கியூ.எஸ்., உலக பல்கலை தரவரிசையில், 285வது இடத்தில் இருந்த சென்னை ஐ.ஐ.டி., இந்த ஆண்டு, 58 இடங்கள் முன்னேறி, 227வது இடத்தை பிடித்துள்ளது.

இந்நிலையில், அடுத்த ஆண்டின் இலக்கு குறித்து, சென்னை ஐ.ஐ.டி., இயக்குனர் காமகோடி வெளியிட்டுள்ள அறிக்கை:

வரும் புத்தாண்டில் கல்வியை மட்டுமின்றி, சுய வேலை வாய்ப்புக்கான தொழில் முனைவை ஊக்குவிக்கும் வகையில், 100 தொழில் முனைவோரை உருவாக்க, 'ஸ்டார்ட் அப் சதம்' என்ற இலக்கை நிர்ணயித்துள்ளோம்.

'பான்- ஐ.ஐ.டி., - என்.ஐ.டி.,' உள்ளிட்ட முன்னணி கல்வி நிறுவனங்களை ஒருங்கிணைத்து, 'இன்வென்டிவ் 2025' என்ற புதிய கண்டுபிடிப்பு கண்காட்சியை, அடுத்த ஆண்டு செயல் விளக்கத்துடன் நடத்த உள்ளோம்.

செயற்கை நுண்ணறிவு உள்ளிட்ட, புதிய துறைகள் சார்ந்த ஆய்வுகளை நேர்த்தியுடன் செய்ய உள்ளோம்.

இவ்வாறு அதில் கூறப்பட்டுள்ளது.