சென்னை ஓமந்தூரர் அரசு மருத்துவமனை அருகே பைக்கில் ரூ.20 லட்சம் கொண்டு சென்றவரை வருமானவரித்துறை அதிகாரிகள் மடக்கி உள்ளனர். அவரிடம் இருந்து மிரட்டி பணம் பெற்றுள்ளனர். இது குறித்து, வருமான வரித்துறை அதிகாரிகள் தாமோதரன், பிரதீப், பிரபு ஆகிய 3 பேர் மற்றும் திருவல்லிக்கேணி எஸ்.ஐ., ராஜா சிங் ஆகியோர் மீது வழக்குப்பதிவு செய்யப்பட்டது.

இந்த வழக்கில், இன்று (டிச.,18) எஸ்.ஐ., மற்றும் வருமானவரித்துறை அதிகாரிகள் 3 பேர் என மொத்தம் 4 பேர் கைது செய்யப்பட்டனர். அவர்களிடம் இருந்து ரூ.20 லட்சம் பறிமுதல் செய்யப்பட்டது. தொடர்ந்து விசாரணை நடந்து வருகிறது.