தமிழகத்தில் கிரீன் மேஜிக் என்ற பெயரில் பச்சை பாக்கெட் பால் விற்பனை செய்யப்படும் நிலையில், கிரீன் மேஜிக் பிளஸ் என்ற பெயரில், கூடுதல் விலையில் திருச்சி மண்டலத்தில் ஆவின் நிர்வாகம் அறிமுகம் செய்துள்ளதாக தெரிகிறது. இதற்கு தமிழகத்தில் எதிர்ப்பு கிளம்பி உள்ளது. பா.ம.க., தலைவர் அன்புமணி இதற்கு கண்டனம் தெரிவித்து அறிக்கை வெளியிட்டு இருந்தார்.

இதனையடுத்து ஆவின் நிர்வாகம் வெளியிட்ட அறிக்கையில் கூறியுள்ளதாவது: ஆவின் நிறுவனம் பச்சை நிற பாக்கெட் பால் விற்பனை குறைப்பு மற்றும் உற்பத்தி நிறுத்தம் என்று எந்த ஒரு முடிவையும் எடுக்கவில்லை. மக்கள் நலன் கருதி, எதிர்வரும் பால் தேவையை கருத்தில் கொண்டும் மற்றும் பால் சந்தையில் அனைவரும் விரும்பும் வகையில் வைட்டமின் ஏ மற்றும் டி செறிவூட்டப்பட்டு மற்றும் இதர கொழுப்புச் சத்துகளை சற்று உயர்த்தி புதிய வகையான பாலினை அறிமுகப்படுத்த ஆய்வு மட்டுமே மேற்கொள்ளப்பட்டு வருகிறது. மேலும், பொதுமக்களிடம் கருத்துகள் கேட்கப்பட உள்ளது. மேலும் எந்த விதமான புதிய வகை பாலின் விற்பனையையும் இதுவரை ஆவின் துவங்கவில்லை. இவ்வாறு அந்த அறிக்கையில் கூறப்பட்டு உள்ளது.