தமிழகத்தின் வளர்ச்சிக்கு பெரும் பங்காற்றியவர்களை, பெருமைப்படுத்தும் வகையில், 'தகைசால் தமிழர் விருது' தமிழக அரசால் வழங்கப்படுகிறது.

விருதாளர்களை தேர்வு செய்ய, முதல்வர் ஸ்டாலின் உத்தரவுப்படி, 2021ம் ஆண்டு குழு அமைக்கப்பட்டது.

இக்குழு பரிந்துரைப்படி, கடந்த நான்கு ஆண்டுகளில் சங்கரய்யா, நல்லக்கண்ணு, வீரமணி, குமரி ஆனந்தன் ஆகியோருக்கு தகைசால் தமிழர் விருது வழங்கப்பட்டது.

நடப்பாண்டு விருதுக்கு, இந்திய யூனியன் முஸ்லிம் லீக் கட்சியின் தேசிய தலைவர் காதர் மொய்தீன் தேர்வு செய்யப்பட்டுள்ளார்.

அவருக்கு, சுதந்திர தினவிழாவில், முதல்வர் ஸ்டாலின் விருதை வழங்கி கவுரவிப்பார். விருதுடன், 10 லட்சம் ரூபாய்க்கான காசோலை, பாராட்டு சான்றிதழ் வழங்கப்படும்.