இதுபற்றிய விவரம் வருமாறு;

கூடலூர் கலால் மதுவிலக்கு பிரிவு தாசில்தாராக இருப்பவர் சித்தராஜ்(54). இவர், கூடலூர் மண்வயல் கோழிகண்டி பகுதியில் நாட்டுக்கோழி மற்றும் அதன் முட்டைகள் வாங்க அடிக்கடி சென்று வருவது வழக்கம்.

சம்பவத்தன்று அங்கு நாட்டுக்கோழி முட்டை வாங்குவதற்காக அவர் சென்றுள்ளார். அங்கிருந்த 42 வயது பெண், தற்போது முட்டை இல்லை என, தெரிவித்துள்ளார். அப்போது சித்தராஜ், திடீரென அந்த பெண்ணின் கையைப் பிடித்து இழுத்து பாலியல் தொல்லை செய்துள்ளார்.

பெண்ணின், சத்தம் கேட்டு உறவினர்கள் வருவதை பார்த்த சித்தராஜ், அங்கிருந்து தப்பியுள்ளார். இது தொடர்பாக, கூடலூர் போலீசில் பாதிக்கப்பட்ட பெண் புகார் அளித்தார். கூடலூர் போலீசார் வழக்குப்பதிவு செய்து, விசாரணை மேற்கொண்டு சித்தராஜை கைது செய்தனர்.