அதன்படி, இன்று (அக்.,6) புறப்படும், சென்னை எழும்பூர் – மங்களூரு சென்ட்ரல் விரைவு ரயில், நாளை, (7ம் தேதி) இருகூர் – போத்தனுார் வழியே இயக்கப்படும். இது காலை, 9:45 மணிக்கு போத்தனுாரில் நின்று செல்லும். அதேபோல், நேற்று புறப்பட்ட தன்பாத் – போத்தனுார் அம்ரித் பாரத் விரைவு ரயில், நேற்று முன்தினம் புறப்பட்ட, திப்ருகர் – கன்னியாகுமரி விவேக் விரைவு ரயிலும், வரும் 7 ல், அதே தடத்தில் இயக்கப்பட உள்ளது. வரும், 7, 8 தேதிகளில் இயக்கப்படும் ஆலப்புழா – தன்பாத் விரைவு ரயில், 2 நாட்களிலும் அதே தடத்தில் இயக்கப்பட உள்ளது. இது, மதியம், 12:15 மணிக்கு போத்தனுாரில் நின்று செல்லும் என, சேலம் கோட்ட ரயில்வே நிர்வாகம் தெரிவித்துள்ளது.