பொதுத்துறை எண்ணெய் நிறுவனங்கள், சர்வதேச சந்தை நிலவரத்திற்கு ஏற்ப, உள்நாட்டில் பெட்ரோல், டீசல் விலையை, தினமும் நிர்ணயம் செய்கின்றன. தமிழகத்தில், 2021 நவ.,3ல் ஒரு லிட்டர் பெட்ரோல் 110.85 ரூபாய், டீசல் 102.59 ரூபாய்க்கு விற்பனையாகின. இதுவே, பெட்ரோல், டீசல் விற்பனையில் உச்ச விலையாக இருந்தது.

இந்நிலையில், கடந்த 2022ம் ஆண்டு மே-21-ம் தேதி, மத்திய நிதியமைச்சர் நிர்மலா சீதாராமன் திடீர் என அறிவிப்பு ஒன்றை வெளியிட்டார். அதில் மத்திய அரசு பெட்ரோல் மீதான கலால் வரி லிட்டருக்கு 9 ரூபாயும், டீசல் மீதான கலால் வரி லிட்டருக்கு 7.50 ரூபாயும் குறைக்கப்படும் என அறிவித்தார் அதனை தொடர்ந்து சென்னையில் பெட்ரோல் ரூ.8.22 காசு குறைந்து 102.63 ரூபாய்க்கும், டீசல் ரூ.6.70 காசு குறைந்து 94.24 ரூபாய் விலையில் விற்பனை செய்யப்பட்டது. அதன் பின் 663 நாட்ககள், விலை மாற்றம் செய்யப்படாமல் இருந்தது.

இந்நிலையில் 2024, மார்ச் 15ம் தேதி முதல் பெட்ரோல், டீசல் விலையை லிட்டருக்கு தலா 2 ரூபாய் குறைத்து மத்திய அரசு அறிவித்தது. சென்னையில் பெட்ரோல் லிட்டருக்கு ரூ 1.88 குறைந்து ரூ.100.75க்கும் டீசல் லிட்டருக்கு ரூ.1.90 குறைந்து 92.34க்கும் விற்பனையானது. 14வது நாளாக இன்றும் (மார்ச்-28) பெட்ரோல் டீசல் விலையில் எந்த மாற்றமும் இல்லாமல் பெட்ரோல் லிட்டருக்கு ரூ.100.75க்கும் டீசல் 92.34க்கும் விற்பனையாகிறது.