புதுக்கோட்டையில் அவர் நிருபர்களின் கேள்விகளுக்கு பதிலளித்து பேசுகையில் கூறியதாவது; இ.பி.எஸ்., எப்போதும் பகல் கனவு காண்பவர். அவருடன் கூட்டணி போக யாரும் தயாராக இல்லை. அவரது கனவு பலிக்காது. கூட்டணி ஆட்சி அமையும் என்று அன்புமணி பகல் கனவு காண்கிறார். அதற்கு நாங்கள் பொறுப்பல்ல.

விடுதலை சிறுத்தைகள் தலைவர் திருமாவளவன் கூட்டணியை விட்டு செல்லமாட்டார். 2026ம் ஆண்டு தேர்தலில் இதே கூட்டணி நீடிக்கும். வெற்றி எங்களுடையது, கூட்டணி எங்களுடையது. தொடர்ந்து 2வது முறையாக ஸ்டாலின் முதல்வராவார். புதிய வரலாற்றை உருவாக்கி தருவார்.

விஜய் கட்சி தொடங்கியது பற்றி நாங்கள் கவலைப்படவே இல்லை. நாங்கள் பனங்காட்டு நரி, எதை கண்டும் தி.மு.க., பயப்படாது. அவர் என்ன ஓட்டு வாங்குவார், எவ்வளவு ஓட்டு வங்கி உள்ளது என்பதை எல்லாம் என்பதை தேர்தலில் பார்த்துக் கொள்ளலாம்.

தி.மு.க., கூட்டணியில் இருப்பவர்கள் நட்போடும், பாசத்தோடும் இருப்பவர்கள். எந்த சதி வேலை யார் செய்தாலும் அதில் அவர்கள் சிக்க மாட்டார்கள். 2026 தேர்தலில் கூட்டணியில் திருமாவளவன் நிச்சயமாக நீடிப்பார்.

இவ்வாறு அமைச்சர் ரகுபதி கூறினார்.