அந்த வகையில், உள்ளூர் காளைகளும், வீரர்களும், போட்டிகளில் பங்கேற்பதை உறுதி செய்ய, இணையதள பதிவு முறையை மாற்றி, அந்தந்த மாவட்ட அளவில் முடிவு செய்து கொள்ள வழிவகை செய்யப்படும்.

போட்டிகளின் போது இறக்க நேரிடும் மாடுபிடி வீரர்களுக்கு, உரிய நிவாரணம் அரசு சார்பில் வழங்கப்படுகிறது. எனவே, மாடுபிடி வீரர்களுக்கு ஆயுள் காப்பீடு கட்டாயம் என்ற விதி தளர்த்தப்படும். இதுவரை, ஜல்லிக்கட்டு போட்டி நடத்துவோரிடம், முத்திரைத் தாளில் பெறப்பட்டு வந்த உறுதிமொழி பத்திர நடைமுறை ரத்து செய்யப்படும். இவ்வாறு அதில் கூறப்பட்டுள்ளது.