இக்கட்சி துவங்கப்பட்டு 50வது ஆண்டுவிழாவை தமிழகம் மற்றும் அக்கட்சியின் அமைப்புகள் செயல்பட்டு வரும் பிற மாநிலங்களிலும், ஆண்டு முழுவதும் கொண்டாட தீர்மானிக்கப்பட்டுள்ளது. இது தொடர்பாக அதிமுக சார்பில் வெளியிடப்பட்டுள்ள அறிக்கையில் கூறப்பட்டுள்ளதாவது:

* அதிமுக பொன்விழா ஆண்டை சிறப்பித்திடும் வகையில், பிரம்மாண்டமான மாநாட்டை நடத்துதல்.

* பொன்விழா கொண்டாட்ட சிறப்பு இலச்சினை (லோகோ) வெளியிடுதல். பொன்விழா இலச்சினை பதிக்கப்பட்ட, தங்க முலாம் பூசப்பட்ட பொன்விழா பதக்கங்களை அதிமுக முன்னோடிகளுக்கு அணிவித்தல்.

* அதிமுக வரலாற்றின் முக்கிய நிகழ்வுகளை ‛மக்கள் தொண்டில் மகத்தான 50 ஆண்டுகள்' என்ற தலைப்பில் குறிப்பேடாக அச்சடித்து வழங்குதல்.

* அதிமுக தலைமை அலுவலகத்திற்கு ‛புரட்சித் தலைவர் எம்.ஜி.ஆர் மாளிகை' என பெயர் சூட்டல்.

* அதிமுக பொன்விழா ஆண்டை சிறப்பிக்கும் வகையில், அதிமுக மற்றும் சார்பு அமைப்புகளின் சார்பில் ஆங்காங்கே சுவர் விளம்பரங்களும், இரட்டை இலை சின்னத்தை பிரதிபலிக்கும் வண்ண விளக்கு அலங்காரங்களும் அமைத்தல்.

* அதிமுக வளர்ச்சிக்காகத் தொண்டாற்றும் எழுத்தாளர்கள், பேச்சாளர்கள், கவிஞர்கள், கலைத் துறையினர் உள்ளிட்டோருக்கு இந்தப் பொன்விழா ஆண்டு முதல், ஈ.வெ.ரா., அண்ணாதுரை, எம்.ஜிஆர், ஜெயலலிதா ஆகியோரது பெயர்களில் விருதுகள் வழங்கி, கவுரவித்தல்.

- இவ்வாறு அந்த அறிக்கையில் கூறப்பட்டுள்ளது.