ஆட்சி முறை மாறுமா?

ஆட்சி மாறுவது முக்கியமில்லை. ஆட்சி முறை மாறுமா? ஊழல், லஞ்சமற்ற நேர்மையான நிர்வாகம் வருமா? என்பது தான் இங்கு கேள்வி. 28 சதவீதம் மக்கள் இரவு உணவு இல்லாமல் தூங்கப் போறாங்க. பல கோடி பச்சிளம் குழந்தைகள் பசியோடு படுக்குது. கொடுமையை துடைக்க வழியில்லை. தாலிக்கு தங்கம் கொடுப்பாங்க, மது குடிக்க வைத்து அதே தாலியை அவங்களே அவிழ்ப்பாங்க.

போட்டிக்கு ஆளே இல்ல

அரசியல் வியாபாரம்

மது ஒழிப்பு மாநாடு நடத்திய திருமாவளவன், திமுகவோடு கூட்டணியில் இருக்கிறார். எங்கள் கோரிக்கையை நிறைவேற்றுபவர்களுடன் தான் கூட்டணி என்று ஏன் கூறவில்லை. கோரிக்கையை நிறைவேற்றாதவரோடு கூட்டணி அமைத்து வலிமையை சேர்த்தால், எப்படி அவர்களின் கோரிக்கையை நிறைவேற்றுவார்கள். தனியாக நின்று மாநில கட்சி என்ற அங்கீகாரத்தை நாதக பெற்றுள்ளது. இது வெற்றியா? இல்லையா? தேர்தல் வெற்றிதான் வெற்றி என்றால் கஷ்டம்.

என்னுடைய கொள்கையை எதிர்த்து தான் இங்கு நிறைய கட்சிகள் உள்ளன. கொள்கையை ஏற்று ஒரு கட்சியும் இல்லை. என் மொழி தமிழ், என் இனம் தமிழன். அப்படியிருக்கும் போது என்னை ஏன் திராவிடன் என்று சொல்கிறாய். மாறுதலை விரும்புபவன் காத்திருந்து தான் ஆக வேண்டும். பேயை (திமுக) விரட்டி விட்டு பிசாசை (அதிமுக) உட்கார வைக்கிறீங்க. பாஜ எதிர்ப்பு பற்றி எல்லாம் காலம் காலமாக பேசுவார்கள். 5 ஆண்டுகால பாஜ ஆட்சியை நிலைக்க வைத்து, நாடெங்கும் பாஜ ஆட்சி பரவ காரணமாக இருந்தவர் கருணாநிதி என்று அவரது நினைவு நாணயத்தை வெளியிட்ட ராஜ்நாத்சிங் பேசியுள்ளார்.

தமிழகத்தில் பாஜ வரக் கூடாது என்று சொல்லும் திமுக, காங்கிரஸை உள்ளே வரலாமா? பாஜவுக்கும், காங்கிரஸுக்கும் இடையே உள்ள மாறுபாட்டை திமுகவினரால் சொல்ல முடியுமா?. சீமான் கேட்ட சின்னத்தை கொடுக்கக் கூடாது. கேட்ட சின்னம் விஜய்க்கு கிடைத்திருப்பதற்கு வாழ்த்துக்கள், இவ்வாறு அவர் கூறினார்.