ADDED : செப் 16, 2026 03:06 AM
மதுரை:நாளை நடைபெறவுள்ள மதுரை மீனாட்சி அம்மன் கோயில் கும்பாபிஷேகத்தை முன்னிட்டு முன்பதிவில்லா சிறப்பு ரயில்களை தெற்கு ரயில்வே இயக்குகிறது.
திருநெல்வேலி- -கூடல்நகர் இன்று (செப்.,16) மதியம் 1:00 மணிக்கு திருநெல்வேலியில் இருந்து புறப்படும் சிறப்பு ரயில், மாலை 6:30 மணிக்கு கூடல்நகர் வருகிறது. மறுமார்க்கத்தில் நாளை மதியம் 12:15 மணிக்கு புறப்படும் சிறப்பு ரயில், மாலை 5:50 மணிக்கு திருநெல்வேலி செல்கிறது.
சேரன்மகாதேவி, கல்லிடைகுறிச்சி, அம்பா சமுத்திரம், கீழக்கடையம், பாவூர்சத்திரம், தென்காசி, கடையநல்லுார், பாம்பகோவில் சந்தை, சங்கரன்கோவில், ராஜபாளையம், ஸ்ரீவில்லிபுத்துார், சிவகாசி, திருத்தங்கல், விருதுநகர், கள்ளிக்குடி, திருமங்கலம், திருப்பரங்குன்றம், மதுரை ஸ்டேஷன்களில் நின்று செல்கிறது.
ராமேஸ்வரம்- -பழநி இன்று மாலை 4:55 மணிக்கு ராமேஸ்வரத்தில் இருந்து புறப்படும் சிறப்பு ரயில், இரவு 10:30 மணிக்கு பழநி செல்கிறது. மறுமார்க்கத்தில் நாளை மதியம் 2:20 மணிக்கு புறப்படும் சிறப்பு ரயில், இரவு 8:10 மணிக்கு ராமேஸ்வரம் செல்கிறது.
மண்டபம், ராமநாதபுரம், பரமக்குடி, மானாமதுரை, திருப்புவனம், மதுரை, சோழவந்தான், கொடைரோடு, திண்டுக்கல், அக்கரைப்பட்டி, ஒட்டன்சத்திரம், சத்திரப்பட்டி ஸ்டேஷன்களில் நின்று செல்கிறது.
போடி -- கூடல்நகர் நாளை காலை 11:20 மணிக்கு போடியில் இருந்து புறப்படும் சிறப்பு ரயில், மதியம் 1:30 மணிக்கு கூடல்நகர் வருகிறது. மறுமார்க்கத்தில் மதியம் 2:30 மணிக்கு புறப்படும் சிறப்பு ரயில், மாலை 4:30 மணிக்கு போடி செல்கிறது.
தேனி, ஆண்டிப்பட்டி, உசிலம்பட்டி, வடபழஞ்சி, மதுரை ஸ்டேஷன்களில் நின்று செல்கிறது.
