தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/தமிழகம்/தி.மு.க., ‘மாஜி’ எம்.எல்.ஏ.,வை 4 நாள் காவலில் விசாரிக்க போலீசுக்கு அனுமதி

தி.மு.க., ‘மாஜி’ எம்.எல்.ஏ.,வை 4 நாள் காவலில் விசாரிக்க போலீசுக்கு அனுமதி

தி.மு.க., ‘மாஜி’ எம்.எல்.ஏ.,வை 4 நாள் காவலில் விசாரிக்க போலீசுக்கு அனுமதி


UPDATED : நவ 12, 2026 09:47 PM

ADDED : நவ 12, 2026 09:44 PM

Follow on GoogleFavourite on Google

UPDATED : நவ 12, 2026 09:47 PM ADDED : நவ 12, 2026 09:44 PM


Follow on Google
Latest Tamil News
அ நிறம் | அளவு

சென்னை: தனியார் பள்ளிகளுக்கு அங்கீகாரம் வழங்க, லஞ்சம் பெற்ற வழக்கில் கைதான, தி.மு.க., முன்னாள் எம்.எல்.ஏ., முத்துக்குமாரை, நான்கு நாள் காவலில் எடுத்து விசாரிக்க, மத்திய குற்றப்பிரிவு போலீசாருக்கு, சென்னை சிறப்பு நீதிமன்றம் அனுமதி அளித்து உத்தரவிட்டுள்ளது.

கடந்த தி.மு.க., ஆட்சியில், தனியார் பள்ளி கட்டடங்களுக்கு நிரந்தர அங்கீகாரம் வழங்க, 400 கோடி ரூபாய் வரை பணம் பெற்ற வழக்கில், முன்னாள் அமைச்சர் அன்பில் மகேஷ், கைது செய்யப்பட்டு, சிறையில் அடைக்கப்பட்டார்.

அவருக்கு உதவியாளர் போல செயல்பட்டவரும், வழக்கின் முக்கிய குற்றவாளியுமான தி.மு.க., முன்னாள் எம்.எல்.ஏ., முத்துகுமார், நீதிமன்றத்தில் சரணடைந்தார். ஏற்கனவே, மகேஷை, மூன்று நாள் காவலில் எடுத்து போலீசார் விசாரித்தனர் .

இதையடுத்து, முத்துகுமாரை காவலில் எடுத்து விசாரிக்க அனுமதி கோரி, மத்திய குற்றப்பிரிவு போலீசார், சிறப்பு நீதிமன்றத்தில் கடந்த 5ம் தேதி மனு தாக்கல் செய்தனர். மனுவை விசாரித்த நீதிபதி சத்தியமூர்த்தி, நேற்று பிறப்பித்த உத்தரவு:

முத்துகுமாரை, நவ.,12 முதல் 16 காலை 10:30 மணி வரை, நான்கு நாட்கள் காவலில் எடுத்து விசாரிக்க, போலீசாருக்கு அனுமதி அளிக்கப்படுகிறது. விசாரணைக்கு முன் மற்றும் விசாரணை முடிந்த பின், அவரை மருத்துவமனையில் பரிசோதனை செய்ய வேண்டும்.

விசாரணையின்போது வழக்கறிஞர் உடனிருக்க அனுமதி அளிக்கப்படுகிறது. விசாரணை முடிந்து, 16ம் தேதி காலை 10:30 மணிக்கு, அவரை நீதிமன்றத்தில் ஆஜர்படுத்த வேண்டும்.

இவ்வாறு அதில் கூறப்பட்டுள்ளது.

29 வங்கி கணக்குகளில்


ரூ.4.50 கோடி முடக்கம்
தி.மு.க., முன்னாள் எம்.எல்.ஏ., முத்துகுமாரின், 29 வங்கி கணக்குகளில் இருந்த, 4.50 கோடி ரூபாயை, சென்னை மத்திய குற்றப்பிரிவு போலீசார் முடக்கி உள்ளனர். தனியார் பள்ளிகளுக்கு அங்கீகாரம் பெற்றுத்தருவதாக, 400 கோடி ரூபாய்க்கு மேல் மோசடி நடந்த வழக்கில், முன்னாள் அமைச்சர் மகேஷ், முத்துகுமார் ஆகியோர், கைதாகி, சென்னை புழல் சிறையில் அடைக்கப்பட்டு உள்ளனர்.
இந்நிலையில், பண மோசடிக்கு பயன்படுத்தப்பட்ட முத்துகுமாரின், 29 வங்கி கணக்குகளை, போலீசார் ஆய்வு செய்தனர். தொடர்ந்து, அந்த கணக்குகளில் இருந்த, 4.50 கோடி ரூபாயை முடக்கி உள்ளனர். இது தவிர, முன்னாள் அமைச்சர் மகேஷ் வங்கி கணக்குளையும் போலீசார் ஆய்வு செய்து வருவதால், அவரது கணக்குகளும் முடக்கப்படலாம் என தெரிகிறது.



மகேஷுக்கு ‘நோ’ ஜாமின்


காவல்துறைக்கு அவகாசம்
தி.மு.க., ஆட்சியில், தனியார் பள்ளிகளிடம் கோடிக்கணக்கான ரூபாய் லஞ்சம் பெற்ற வழக்கில் கைதான, முன்னாள் அமைச்சர் மகேஷின் ஜாமின் மனுவை, சென்னை சிறப்பு நீதிமன்றம் கடந்த 10ம் தேதி தள்ளுபடி செய்து உத்தரவிட்டது.
இதையடுத்து, மகேஷ் தரப்பில், சென்னை உயர் நீதிமன்றத்தில் மனு தாக்கல் செய்யப்பட்டது. இந்த மனு, நீதிபதி லட்சுமி நாராயணன் முன் நேற்று விசாரணைக்கு வந்தது. மகேஷ் தரப்பில், மூத்த வழக்கறிஞர்கள் நீரஜ் கிஷன் கவுல், வில்சன் ஆகியோர் ஆஜராகி, ‘பல்வேறு நோய்களால் பாதிக்கப்பட்டுள்ள மகேஷுக்கு ஜாமின் வழங்க வேண்டும்’ என வாதிட்டனர்.
மத்திய குற்றப்பிரிவு போலீசார் தரப்பில், தலைமை குற்றவியல் வழக்கறிஞர் ஜான் சத்யன் ஆஜராகி, ‘ஜாமின் மனுவுக்கு பதிலளிக்க அவகாசம் வேண்டும்’ என்றார். இதையடுத்து, ஜாமின் மனு குறித்து, வரும் 17ம் தேதிக்குள் பதிலளிக்க, மத்திய குற்றப்பிரிவு போலீசாருக்கு நீதிபதி உத்தரவிட்டு, விசாரணையை தள்ளி வைத்தார்.



தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us