கடந்த 2013ல் நடிகர் கமல், 'விஸ்வரூபம்' என்ற படத்தை தயாரித்து இயக்கினார். அப்படத்தில் இடம்பெற்ற காட்சிகளுக்கு எதிர்ப்பு தெரிவித்து, முஸ்லிம் அமைப்பினர் போர்க்கொடி உயர்த்தினர்.

தற்போது, சிவகார்த்திகேயன் நடிப்பில் வெளிவந்துள்ள 'அமரன்' படத்தை, கமல் தயாரித்துள்ளார். 'அப்படத்தில் முஸ்லிம்களுக்கு எதிரான காட்சிகள் இடம் பெற்றுள்ளன. எனவே, படத்தை தடை செய்ய வேண்டும்' என, எஸ்.டி.பி.ஐ., கட்சியினர் வலியுறுத்தி வருகின்றனர்.

சென்னை ஆழ்வார்பேட்டையில் உள்ள கமல் அலுவலகத்தை இன்று முற்றுகையிடப் போவதாக அறிவித்துள்ளனர்.

இதேபோல், 'அமரன்' படம் திரையிடப்பட்டுள்ள தியேட்டர்கள் முன், போராட்டம் நடத்த திட்டமிட்டுள்ளதாக உளவுத்துறை எச்சரித்துள்ளது. இதையடுத்து, மாநிலம் முழுதும் போலீசார் உஷார்படுத்தப்பட்டுள்ளனர்.