வந்தார் ஸ்ரீ காந்தி; அதிர்ந்தார் அன்புமணி!

குடும்ப பிரச்னையை சமாளிக்க, தன் மகளை அரசியலுக்கு கொண்டு வந்ததுடன், மருமகள் சவுமியாவின் நடவடிக்கைகளுக்கு பதிலடி கொடுக்கும் வகையில், மகளை வரும் சட்டசபை தேர்தலில் களமிறக்கவும், ராமதாஸ் முடிவு எடுத்துள்ளதாக கட்சி வட்டாரங்கள் கூறின. அண்மையில் மகன் அன்புமணிக்கு கட்சி தலைவர் பதவியை பறித்து செயல் தலைவர் பொறுப்பை ராமதாஸ் வழங்கினார்.
தற்போது அந்த செயல் தலைவர் பொறுப்பையும் மகனிடம் பறிந்து மூத்த மகள் ஸ்ரீ காந்திக்கு வழங்கி ராமதாஸ் அதிரடி காட்டி இருக்கிறார். கட்சியில் தனக்கு எதிராக மல்லுகட்டும் மகன் அன்புமணியை, அவருடைய சகோதரியை வைத்தே செக் வைக்கும் திட்டம் தான் இது என, ராமதாசின் செயல்திட்டம் அறிந்த கட்சியினர் கூறுகின்றனர்.