சுப முகூர்த்த நாட்கள் மற்றும் குறிப்பிட்ட சில விசேஷ நாட்களில் பத்திரப்பதிவு மேற்கொள்ள, பொது மக்கள் ஆர்வம் காட்டுகின்றனர். இதை கருத்தில் வைத்து, ஆடிப்பெருக்கு, தமிழ் புத்தாண்டான சித்திரை முதல் நாள், தைப்பூசம் போன்ற நாட்களில், சார் - பதிவாளர் அலுவலகங்கள் செயல்பட அரசு உத்தரவிட்டுள்ளது.

அதன்படி, தைப்பூச நாளான இன்று, சார் - பதிவாளர் அலுவலகங்கள், காலை 10:00 மணி முதல் பத்திரப்பதிவு முடியும் வரை திறந்து இருக்கும். இதற்காக சார் - பதிவாளர் அலுவலகங்களை திறக்க, பதிவுத்துறை பணியாளர்கள் மற்றும் அலுவலர்களுக்கு உத்தரவிடப்பட்டுள்ளது. விடுமுறை நாளுக்கான கூடுதல் கட்டணம் செலுத்தி, பொதுமக்கள் பத்திரப்பதிவு செய்யலாம் என பதிவுத்துறை அறிவித்துள்ளது.