இந்நிலையில், சி.ஐ.டி.யு., தரப்பில் போராட்டம் அறிவிக்கப்பட்டுள்ளது.

இது குறித்து, சி.ஐ.டி.யு., ஆட்டோ தொழிலாளர் சம்மேளனத்தின் செயல் தலைவர் பாலசுப்ரமணியம் கூறியதாவது:

ஆட்டோ மீட்டர் கட்டணத்தை உயர்த்த வேண்டும். தனி செயலியை அறிவிக்க வேண்டும். பைக் டாக்சியை தடை செய்ய வேண்டும் என்பது உட்பட ஏழு அம்ச கோரிக்கைகளை வலியுறுத்தி, வரும் 24, 25, 26ம் தேதிகளில், கிண்டி போக்குவரத்து ஆணையரக அலுவலகம் முன் காத்திருப்பு போராட்டம் நடத்தப்படும்.

தமிழகம் முழுதும் வட்டார போக்குவரத்து அலுவலகம், இணை ஆணையர் அலுவலகங்கள் முன், வரும் 24ம் தேதி கண்டன ஆர்ப்பாட்டம் நடத்தப்படும்.

இவ்வாறு அவர் கூறினார்.