திண்டிவனம் அடுத்த கடவம்பாக்கம் ஆற்றிலிருந்து, அனுமதியின்றி மணல் ஏற்றி வந்த 3 டிப்பர் லாரிகளை, ஒலக்கூர் போலீசார் நேற்று முன்தினம் இரவு பிடித்தனர். ஆலங்குப்பம் சிவா, 32; அடசல் சரவணன், 40; மரக்காணம் மாதவன், 31; ஆடவள்ளிகூத்தான் ஆறுமுகம் மகன் செல்வராம், 26; ஆகியோரை போலீசார் கைது செய்தனர்.

இதேபோன்று, கண்டமங்கலம் போலீசார் பெரியபாபுசமுத்திரம் ஆற்றில் அனுமதியின்றி மணல் ஏற்றி வந்த 2 லாரிகளை, பிடித்தனர்.

போலீசாரை கண்டதும், லாரியை விட்டுவிட்டு டிரைவர்கள் தப்பியோடிவிட்டனர்.

வெள்ளிமேடுபேட்டை போலீசார் அனுமதியின்றி கிராவல் மண் ஏற்றி வந்த கல்பாக்கம் சக்கரவர்த்தி, 56; வைரம்பேட்டை ஐயப்பன், 30; கீழ்மாவிளங்கை சுந்தர்ராமன், 47; ஆகியோரை கைது செய்தனர். மணல் கொள்ளைக்கு பயன்படுத்திய இரண்டு டிப்பர் லாரி, ஒரு பொக்லைன் இயந்திரத்தை பறிமுதல் செய்தனர்.