ராமநாதபுரம் எஸ்.பி., அலுவலகத்தில் உதவியாளராக பணிபுரிந்த படியே அகில இந்திய குடிமைப்பணி தேர்வுக்கு படித்தார். கடந்தாண்டு நடந்த குடிமைப்பணி தேர்வு முடிவு நேற்று முன்தினம் வெளியானது. இதில், ஷேக் முகம்மது கபிசுதீன், 485வது இடம் பிடித்துள்ளார்.

ஷேக் முகம்மது கபிசுதீன் கூறுகையில், “குடிமைப்பணி தேர்வுக்காக ஏழு ஆண்டுகளாக பயின்றேன். இதில், 4 முறை நேர்முகத் தேர்வு வரை சென்றேன். தற்போது இந்திய அளவில், 485வது இடம் பிடித்துள்ளது மகிழ்ச்சியாக உள்ளது.

“ ஐ.எப்.எஸ்., அல்லது ஐ.பி.எஸ்., கிடைக்கும் என எதிர்ப்பார்க்கிறேன். கடந்த மாதம் தான் எனக்கு பெண் குழந்தை பிறந்தது. மகளின் அதிர்ஷ்டமாக இந்த வெற்றியை பார்க்கிறேன்,” என்றார்.