தமிழகத்தில் லோக்சபா தேர்தல் வரும் 19ம் தேதி நடைபெறுகிறது. இதற்காக பிரசாரம் சூடுபிடித்துள்ளது. அரசியல் கட்சி தலைவர்கள் பல இடங்களில் தங்கள் கட்சி வேட்பாளர்களை ஆதரித்து பிரசாரம் மேற்கொண்டு வருகின்றனர். கடந்த சில நாட்களுக்கு முன்பாக சேலத்தில் கடைவீதிகளில் முதல்வர் ஸ்டாலின் திமுக வேட்பாளர்களை ஆதரித்து நடைபயணமாக வந்து ஓட்டு சேகரித்தார். இந்த நிலையில், இன்று (ஏப்.,3) காலையில் சேலம் கடைவீதிகளில் காய்கறி வியாபாரிகளிடம் அ.தி.மு.க., வேட்பாளர் விக்னேஷை ஆதரித்து அக்கட்சி பொதுச்செயலாளர் இ.பி.எஸ் ஓட்டு சேகரித்தார்.

அதேபோல், திருவண்ணாமலை அண்ணாமலையார் கோயில் செல்லும் பாதை அருகே உள்ள மார்க்கெட் பகுதியில் முதல்வர் ஸ்டாலின், திமுக வேட்பாளர் சி.என்.அண்ணாதுரையை ஆதரித்து நடைபயணமாக சென்று ஓட்டு சேகரித்தார். மாடவீதி கள்ளக்கடை பகுதியில் இருந்து காந்தி சிலை வரை நடந்து சென்று வியாபாரிகள், பொதுமக்களிடம் ஓட்டு சேகரித்த ஸ்டாலின், அந்த வழியாக சென்ற பள்ளி, கல்லூரி மாணவிகளுடன் உரையாடி செல்பி எடுத்துக்கொண்டார். பின்னர், அங்கிருக்கும் தேநீர் கடைக்கு சென்று தேநீர் அருந்தினார்.