தஞ்சாவூரில் நேற்று அவர் அளித்த பேட்டி:

தி.மு.க., ஆட்சியை, 'விடியா ஆட்சி' என அ.தி.மு.க., பொதுச்செயலர் பழனிசாமி சொல்வதை, மக்கள் ஏற்க மாட்டார்கள். எந்த ஆட்சியிலும் இல்லாத அளவுக்கு, பெண்களுக்கான பல்வேறு திட்டங்களை அமல்படுத்தி, முதல்வர் ஸ்டாலின் சாதனை படைத்துள்ளார்.

கடந்த 2006ல் நடைபெற்ற முன்னாள் முதல்வர் கருணாநிதி ஆட்சி தான் சிறப்பான ஆட்சி என அனைவருக்கும் தெரியும். அதை விட சிறப்பான ஆட்சியை முதல்வர் ஸ்டாலின் நடத்தி வருகிறார்.

அ.தி.மு.க.,வினர் கம்ப்யூட்டர் போல வைத்துக் கொண்டு மக்களிடம் பேசி, பிரசாரம் செய்கின்றனர். நாங்கள், எதை பார்த்தும் பயப்படவில்லை. தி.மு.க., கூட்டணி மிகவும் பலம் வாய்ந்ததாக உள்ளது. மீண்டும் முதல்வராக ஸ்டாலின் தான் வருவார். கருத்துக் கணிப்புகள், தி.மு.க.,வுக்கு சாதகமாக வருகின்றன.

தி.மு.க.,வுடன் எந்த கட்சிகள் கூட்டணி அமைக்கும் என்பது பற்றி முதல்வர் ஸ்டாலின் இறுதி முடிவு எடுப்பார். இவ்வாறு அவர் கூறினார்.