கூட்டணிக்கு கட்சிகள் எதுவும் வராவிட்டால், புதுச்சேரி உள்ளிட்ட, 40 லோக்சபா தொகுதிகளிலும், அ.தி.மு.க., தனித்து களம் இறங்க முடிவு செய்துள்ளது.

எனவே, தமிழகத்தில் உள்ள 39 தொகுதிகளிலும், புதுச்சேரி லோக்சபா தொகுதியிலும், அ.தி.மு.க., சார்பில் போட்டியிட விரும்புவோர், நாளை முதல் மார்ச் 1 வரை, கட்சி தலைமை அலுவலகத்தில் விண்ணப்பம் பெற்று மனு அளிக்கலாம் என, அ.தி.மு.க., பொதுச்செயலர் பழனிசாமி அறிவித்துள்ளார்.

தினமும் காலை 10:00 முதல் மாலை 5:00 மணி வரை விண்ணப்பம் பெற்று, அதை பூர்த்தி செய்து அளிக்கலாம். பொதுத் தொகுதிக்கு, 20,000 ரூபாய்; தனித்தொகுதிக்கு 15,000 ரூபாய், விண்ணப்பக் கட்டணமாக நிர்ணயிக்கப்பட்டுள்ளது.