மதன் பாப்பின் இயற்பெயர் கிருஷ்ணமூர்த்தி. இசையமைப்பாளராக தனது திரைவாழ்க்கையை தொடங்கிய இவர், ரஜினி, கமல், விஜய், அஜித், விக்ரம், சூர்யா என பல்வேறு முன்னணி நடிகர்களுடன் நடித்துள்ளார். நீங்கள் கேட்டவை படத்தின் மூலம் நடிகராக அறிமுகமான மதன் பாப், பல மொழிகளில் சுமார் 100க்கும் மேற்பட்ட படங்களில் நடித்துள்ளார். தேவர்மகன், சதி லீலாவதி, துள்ளாத மனமும் துள்ளும், தெனாலி, குஷி, சிங்கம் 2, எதிர்நீச்சல் உள்ளிட்ட படங்களில் நடித்திருந்தார்.

இவர் கடைசியாக சாகசம் என்னும் படத்தில் நடித்திருந்தார். அதுமட்டுமில்லாமல், பிரபல டிவி நிகழ்ச்சிகளையும் தொகுத்து வழங்கியுள்ளார்.

இவரின் டிரேட் மார்க்கே அவரின் சிரிப்பு தான். இவர் சிரிக்க ஆரம்பித்தால் சில வினாடிகள் சிரித்துக் கொண்டே இருப்பார். மேடை நாடகம், விளம்பரங்கள், டிவி சீரியல்கள் என பலவற்றிலும் அசத்தி உள்ளார். அதுமட்டுமல்ல இவர் தனது இளம் வயத்தில் குத்துச்சண்டை வீரராகவும் இருந்துள்ளார்.

புற்றுநோயால் பாதிக்கப்பட்டிருந்த மதன் பாப், தொடர்ந்து சிகிச்சை பெற்று வந்தார். இந்த நிலையில், அடையாறில் உள்ள அவரது வீட்டில் இன்று மாலை 5 மணிக்கு காலமானார். அவரது மறைவுக்கு திரையுலகத்தினர் மற்றும் ரசிகர்கள் இரங்கல் தெரிவித்து வருகின்றனர்.