கிரிக்கெட்

விளையாட்டு வீரர்களுடன் கலந்துரையாடிய முதல்வர் ஸ்டாலின் கூறியதாவது: நான் விளையாடிய முதல் விளையாட்டு ஹாக்கிதான். கிரிக்கெட்டில் கபில்தேவ், சச்சின், தோனியை பிடிக்கும். நாம் இப்போது வாய்ப்பு கிடைத்தால் விளையாடுவேன். பள்ளியில் படிக்கும் போது தெருவில் கிரிக்கெட் விளையாடி உள்ளேன். கருணாநிதி கிரிக்கெட் விளையாடி உள்ளார். அவருக்கு பந்து வீசி உள்ளேன். ஆப் ஸ்பின் வீசுவேன். பள்ளியில் படிக்கும் போது புக் கிரிக்கெட் விளையாடுவோம். இதெல்லாம் ஞாபகம் வருகிறது.

சினிமா நட்சத்திரங்களுடன் நடந்த கிரிக்கெட் விளையாடி உள்ளேன். அப்போது 3 விக்கெட் வீழ்த்தி உள்ளேன். அப்போது, சிம்பு, நெப்போலியன் ஆகியோரது விக்கெட்டை வீழ்த்தி உள்ளேன்

தோனி பிடிக்கும்

தோனியின் கேப்டன்ஷிப் பிடிக்கும். அவரது ஸ்டைல், ஸ்மைல், ஸ்வீட்டாக கேப்டன்ஷிப் செய்வார். இவ்ளவவு வயதை கடந்தாலும் தோனி விளையாட வேண்டும் என ரசிகர்கள் நினைக்கின்றனர். தோனியை என்னுடன் ஒப்பிட முடியாது. தோனி பெரிய வழிகாட்டியாக உள்ளார்.

வெளிநாடுகளில் இருந்து இங்கு வந்து ஹாக்கி விளையாடுகின்றனர். இது தொடரும். விளையாட்டு துறையில் முன்னேறி கொண்டு இருக்கிறோம். உதயநிதி சிறப்பாக செயல்படுகிறார். 14 வயதில் அரசியலுக்கு வந்தேன். அப்போது முதல் 'டென்ஷன்' தான். இது பழகிவிட்டது. அதனை கடந்து சென்றுவிடுவேன். அழுத்தம் இருந்தால் புத்தகம் படிப்பேன். டிவி பார்ப்பேன். பாட்டு கேட்பேன். இவ்வாறு ஸ்டாலின் கூறினார்.