புதுக்கோட்டை மாவட்டம் திருமயம் தாலுகாவில் கனிம வளம் கொள்ளை அடிக்கப்படுவதாக சமூக ஆர்வலர் ஜெகபர் அலி என்பவர் கலெக்டர் அலுவலகத்துக்கு புகார் மனு அளித்து வந்துள்ளார். அதன் காரணமாக அவரின் உயிருக்கு அச்சுறுத்தல் இருந்ததாக கூறப்படுகிறது.

இந்த சூழலில் கடந்த 17ம் தேதி(ஜன) தமது இருசக்கர வாகனத்தில் சென்று கொண்டிருக்கும் போது லாரி ஒன்று மோதியதில் பலியானார். மரணத்தில் உறவினர்கள் சந்தேகம் எழுப்ப, 5 பேர் மீது போலீசார் கொலை வழக்கு பதிந்தனர். மெத்தனமாக செயல்பட்டதாக திருமயம் போலீஸ் இன்ஸ்பெக்டர் குணசேகர் சஸ்பெண்ட் செய்யப்பட்டார்.

இந் நிலையில் புதுக்கோட்டை மாவட்டத்தில் 4 தாசில்தார்களை டிரான்ஸ்பர் செய்து கலெக்டர் உத்தரவிட்டு உள்ளார். இவர்களில் திருமயம் தாசில்தார் புவியரசுனும் அடக்கம். அவர் மாற்றப்பட்டு உள்ளார்.

தனி வட்டாட்சியர் நெடுஞ்சாலை திட்ட நிலம் எடுப்பு பிரிவுக்கு பணியிடம் மாற்றம் செய்யப்பட்டு உள்ளார். இதே போன்று துளையானூர் வட்டத்தில் உள்ள கிராம நிர்வாக அலுவலர் முருகராஜ் மாற்றம் செய்யப்பட்டு உள்ளார்.