இது தொடர்பாக ஸ்டாலின் வெளியிட்ட அறிக்கையில் கூறியுள்ளதாவது: பொங்கல் பரிசுத் தொகுப்புடன் ரூ.1000 ரொக்கமும் வழங்கி, இந்த இடர்மிகு சூழலிலும் இல்லந்தோறும் இன்பம் பொங்கிடத் துணை நிற்கிறது நமது திராவிட மாடல் அரசு.

ஆட்சி அமைந்தது முதல்,

மகளிருக்கான பயணத் திட்டத்தின் மூலம் மாதம் 1000 ரூபாய் அளவுக்கு செலவில் மிச்சம்,

காலை உணவுத் திட்டம் மூலம் பணிச்சுமைக் குறைப்பு,

புதுமைப் பெண் திட்டத்தின் மூலமாக மாதம் 1000 ரூபாய்,

மகளிர் உரிமைத் திட்டத்தில் மாதம் 1000 ரூபாய்- எனப் பல்வேறு திட்டங்களைத் தமிழக அரசின் நிதியினைக் கொண்டு தொடர்ந்து நிறைவேற்றி வருகிறது திராவிட மாடல் அரசு.

இந்திய மாநிலங்களின் நலன் காக்க வேண்டிய பொறுப்பில் உள்ள மத்திய அரசு, தமிழக மக்களுக்காகச் செய்தது என்ன? மத்திய நிதியமைச்சரின் பேச்சுக்கு விரிவான பதில் தந்திருக்கிறார் தமிழக நிதியமைச்சர் தங்கம் தென்னரசு. இவ்வாறு அந்த பதிவில் ஸ்டாலின் கூறியுள்ளார்.