தி.மு.க., மோசடி நாடகம்!

தமிழக பா.ஜ., தலைவர் அண்ணாமலை வெளியிட்ட அறிக்கை:விருதுநகர் மாவட்டத்தில் கிராம சபை கூட்டம் எனக்கூறி மக்களை வரச்சொல்லி, தி.மு.க., நடத்தும் போராட்ட நாடகத்தில் பங்கேற்க வைக்க, அமைச்சர் ராமச்சந்திரன் முயற்சித்திருக்கிறார். அருப்புக்கோட்டை பா.ஜ., வடக்கு ஒன்றிய துணைத்தலைவர் மீனா, இது குறித்து அமைச்சரிடம் கேள்வி எழுப்பியதும், உடனடியாக அமைச்சர் அங்கிருந்து சென்றிருக்கிறார்.நான்கு ஆண்டுகளில், 100 நாள் வேலை திட்டத்தின் கீழ், மத்திய அரசு, நாட்டில் அதிகபட்சமாக தமிழகத்திற்கு 39,339 கோடி ரூபாய் வழங்கி உள்ளதை, தமிழக மக்கள் அறிவர். தமிழகத்துக்கு அதிக நிதி வழங்கப்பட்டுள்ள விபரங்களை, தி.மு.க., - எம்.பி., கனிமொழியிடம், மத்திய அமைச்சர் பார்லிமென்டில் தெளிவாகக் கூறியிருக்கிறார்.அந்த நிதி என்ன ஆனது என்பதை கூறாமல் தி.மு.க., மோசடி நாடகமாடுகிறது. தமிழகத்தில் 100 நாள் வேலை திட்டத்தில், தி.மு.க., ஆதரவோடு நடக்கும் மோசடிகள் குறித்து, பலமுறை புகார் அளித்தும், தொடர்ந்து மோசடியில் ஈடுபடும் அக்கட்சியின் அரசியல் நாடகங்களை, தமிழக மக்கள் இனியும் நம்பப் போவதில்லை.இவ்வாறு அதில் கூறப்பட்டுள்ளது.