இது குறித்து, குமரி மாவட்ட ரயில் பயணியர் சங்கத் தலைவர் ஸ்ரீராம், செயலர் எட்வர்ட் ஜெனி ஆகியோர் கூறியதாவது:

சென்னை - கன்னியாகுமரி இரட்டை வழி பாதை திட்டத்தில், நிறைவாக திருநெல்வேலி - கன்னியாகுமரி பாதை பணிகள், சில மாதங்களுக்கு முன் முடிந்துள்ளன.

பயணியர் தேவை பல மடங்கு அதிகரித்துள்ள நிலையில், இன்னும் ரயில்கள் சேவை அதிகரிக்கப்படவில்லை.

மேலும், திருநெல்வேலி வரை இயக்கப்படும் ரயில்கள், நாகர்கோவில் அல்லது கன்னியாகுமரி வரை நீட்டிப்பு செய்யப்படவில்லை.

குறைந்தபட்சமாக, எழும்பூர் - திருநெல்வேலி வந்தே பாரத், ஷாலிமர் - திருநெல்வேலி, மும்பை தாதர் - திருநெல்வேலி, மேற்கு வங்க மாநிலம் புருலியா - திருநெல்வேலி உட்பட ஆறு ரயில்களை, நாகர்கோவிலில் இருந்து இயக்க, தெற்கு ரயில்வே நடவடிக்கை எடுக்க வேண்டும்.

இவ்வாறு அவர்கள் கூறினர்.