ஈரான் மீது இஸ்ரேலும், அமெரிக்காவும் இணைந்து கடந்த 28ம் தேதி தாக்குதலை தொடங்கின. இதற்கு பதிலடி கொடுக்கும் விதமாக ஈரான், மேற்காசிய நாடுகளில் உள்ள அமெரிக்காவின் ராணுவ தளங்களை குறிவைத்து தாக்கி வருகிறது. ஈரானில் 200 பெண்கள், 200 குழந்தைகள் உட்பட 1,200 க்கும் மேற்பட்டோர் கொல்லப்பட்டுள்ளனர். மேலும் 10 ஆயிரத்துக்கும் அதிகமானோர் காயம் அடைந்துள்ளனர்.

இதற்கிடையில், இஸ்ரேலில் 14 பேர் கொல்லப்பட்டுள்ளனர். அதேநேரத்தில், லெபனானில் மேலும் 886 பேர் இறந்துள்ளனர். நடந்து வரும் மோதலில் லெபனானிலும் 10 லட்சத்துக்கும் அதிகமான மக்கள் இடம்பெயர்ந்துள்ளனர். அதேபோல் மூன்று வாரங்களாக நடந்த சண்டையில் அமெரிக்க ராணுவ உள்கட்டமைப்பு, ராணுவ ஜெட் விமானங்களை குறிவைத்து ஈரான் தாக்குதல் நடத்தி உள்ளது.

மத்திய கிழக்கில் உள்ள அமெரிக்க இலக்குகள் மீது ஈரான் பதிலடித் தாக்குதல்களை நடத்தியதில் இருந்து, இதுவரை அமெரிக்க வீரர்கள் 13 பேர் உயிரிழந்தனர். மேலும் 200 பேர் காயம் அடைந்துள்ளனர் என அமெரிக்க ராணுவம் தெரிவித்துள்ளது. காயம் அடைந்த ராணுவ வீரர்களில் பெரும்பாலானவை சிறியவை.

180க்கும் மேற்பட்ட வீரர்கள் சிகிச்சை பெற்று குணமாகிய பிறகு பணிக்குத் திரும்பிவிட்டனர். மீதமுள்ள 20 பேரில் 10 பேருக்கு மட்டும் படுகாயங்கள் ஏற்பட்டுள்ளது. அவர்கள் சிகிச்சைக்காக மருத்துவமனையில் அனுமதிக்கப்பட்டுள்ளனர். 10 பேர் ஒரு சில நாட்களில் மீண்டும் பணிக்கு திரும்பிவிடுவார்கள் என அமெரிக்க ராணுவ அதிகாரிகள் தெரிவித்துள்ளனர்.