காஷ்மீர் மாநிலத்தில் பயங்கரவாதத்தை தூண்டி விடும் பாகிஸ்தானும், பயங்கரவாதிகள் நடத்தும் தாக்குதல் சம்பவங்களை எதிர்கொண்டு வருகிறது.

இன்று(மார்ச் 04) கைபர் பக்துன்க்வாவில் உள்ள ராணுவ அதிகாரிகள் முகாமில் அடுத்தடுத்து இரண்டு குண்டுவெடிப்பு சம்பவங்கள் நடந்தன. இதில் 9 பேர் கொல்லப்பட்டனர். 25 பேர் காயமடைந்தனர். சிலரது நிலைமை கவலைக்கிடமாக உள்ளதால், பலி எண்ணிக்கை அதிகரிக்கலாம் எனக்கூறப்படுகிறது. இந்த தாக்குதல் சம்பவத்தில் தெஹ்ரிக் இ தலிபான் பாகிஸ்தான் என்ற பயங்கரவாத அமைப்பு நடத்தியிருக்கலாம் என சந்தேகிக்கப்படுகிறது.

பாதுகாப்பு படையினரின் கவனத்தை திசைதிருப்ப வேண்டும் என்பதற்காக, பயங்கரவாதிகள் இன்னொரு இடத்தில் காரில் இருந்த வெடிகுண்டை வெடிக்கச் செய்ததாக அங்கிருந்து வரும் தகவல்கள் தெரிவிக்கின்றன.