நேபாள தலைநகர் காத்மாண்டுவிலிருந்து 200 கிலோமீட்டர் தொலைவில் உள்ள போகாரா சர்வதேச விமான நிலையத்திற்கு புத்தா விமான நிறுவனத்துக்கு சொந்தமான விமானம் புறப்பட்டு சென்றது. விமான நிலையத்தில் விமானம் தரையிறங்கும்போது பறவை அதன்மீது மோதியது. இதனால் போகாரா சர்வதேச விமான நிலையத்தில் சிறிது பரபரப்பு ஏற்பட்டது.

பின்னர், விமானி விமானத்தை பத்திரமாக தரையிறக்கினார். விமானத்தில் இருந்த பயணிகள் அனைவரும் பாதுகாப்பாக உள்ளனர் என விமான நிலைய அதிகாரிகள் தெரிவித்தனர். சம்பவத்திற்குப் பிறகு, விமானத்தில் தொழில்நுட்பக் குழு சோதனை மேற்கொண்டது.

இந்த விமானத்தின் இன்ஜின் பகுதியில், பறவை மோதியதில் லேசாக சேதமடைந்துள்ளது. அந்த விமானம் பழுது பார்க்கும் பகுதிக்கு கொண்டு சென்று நிறுத்தப்பட்டது. விமானத்தில் ஏற்பட்ட சேதத்தை சரி செய்யும் பணியில் தொழில் நுட்ப நிபுணர்கள் ஈடுபட்டுள்ளனர்.