வாஷிங்டன்னில், இன்று நடக்கும் 250ம் ஆண்டு ராணுவ அணிவகுப்பு நிகழ்ச்சிக்கு பாகிஸ்தான் ராணுவ தளபதி அசிம் முனீரை அமெரிக்கா சிறப்பு விருந்தினராக அழைத்துள்ளதாக தகவல் வெளியானது. மேலும், டிரம்ப் பிறந்த நாள் கொண்டாட்டத்திலும் பங்கேற்கும் வகையில் அசிம் முனீர் இந்த வாரம் அமெரிக்கா செல்ல இருந்ததாக கூறப்பட்டது. இதனையடுத்து மத்திய அரசு மீது காங்கிரஸ் விமர்சனம் வைத்தது .

இது தொடர்பாக அக்கட்சி மூத்த தலைவர் ஜெய்ராம் ரமேஷ் கூறுகையில், தூதரக ரீதியில் இந்தியாவுக்கு பின்னடைவு ஏற்பட்டு உள்ளது. பஹல்காம் தாக்குதலுக்கு முன்பு, அசிம் முனீர் தான் அத்துமீறும் வகையில்பேசினார். அமெரிக்காவின் நோக்கம் என்ன என கேட்டு இருந்தார்.

இதனை வெள்ளை மாளிகை அதிகாரிகள் மறுத்துள்ளனர். இது தொடர்பாக அவர்கள் கூறுகையில், இந்த செய்தி தவறானது. எந்த வெளிநாட்டு ராணுவ தளபதிகளையும் அழைக்கவில்லை என தெரிவித்துள்ளதாக தகவல் வெளியாகி உள்ளது.