அமெரிக்கா டாலரை மாற்றுவதற்கான நடவடிக்கை எடுத்தாலோ, 100 சதவீதம் வரி விதிக்கப்படும்' என பிரிக்ஸ் அமைப்புக்கு அமெரிக்கா அதிபராக தேர்வு செய்யப்பட்டுள்ள டொனால்டு டிரம்ப் எச்சரிக்கை விடுத்துள்ளார்.

பிரேசில், ரஷ்யா, இந்தியா, சீனா, தென் ஆப்ரிக்கா ஆகிய நாடுகள் அடங்கிய கூட்டமைப்பு, 'பிரிக்ஸ்' என்றழைக்கப்படுகிறது. கடந்த சில ஆண்டுகளாக, அதன் உறுப்பு நாடுகளில் ரஷ்யா மற்றும் சீனா அமெரிக்கா டாலருக்கு மாற்றாக சொந்தமாக பிரிக்ஸ் நாணயத்தை உருவாக்க முயற்சி செய்கின்றன. டாலரை மாற்றும் முயற்சிக்கு, அமெரிக்கா அதிபராக தேர்வு செய்யப்பட்டுள்ள டொனால்டு டிரம்ப் எதிர்ப்பு தெரிவித்துள்ளார்.

இந்நிலையில், சமூகவலைதளத்தில், அவர் வெளியிட்டுள்ள பதிவில் கூறியிருப்பதாவது: பிரிக்ஸ் அமைப்பில் இடம்பெற்றுள்ள நாடுகள் டாலரில் இருந்து விலகிச் செல்ல முயல்கின்றன. இந்த நாடுகள் புதிய பிரிக்ஸ் நாணயத்தை உருவாக்கவோ அல்லது வலிமைமிக்க அமெரிக்க டாலருக்குப் பதிலாக வேறு எந்த நாணயத்தையும் உருவாக்கவோ முயற்சி செய்தால், அவர்களுக்கு 100 சதவீதம் வரி விதிக்கப்படும்.

அவர்கள் அற்புதமான அமெரிக்கப் பொருளாதாரத்தில் விற்பனை செய்வதிலிருந்து விடைபெறும் நிலை ஏற்படும். அவர்கள் டாலரை மாற்ற பல்வேறு வழிகளை தேடலாம். சர்வதேச வர்த்தகத்தில் அமெரிக்க டாலரை பிரிக்ஸ் அமைப்பு மாற்றும் வாய்ப்பு இல்லை. எந்த நாடும் அமெரிக்காவின் டாலரை மாற்ற முடியாது. இவ்வாறு டிரம்ப் கூறியுள்ளார்.