அமெரிக்காவின் இடாஹோ மாகாணத்தில் உள்ள மவுன்டன் ஹோம் விமானப்படை தளத்தில், 'கன்பைட்டர் ஸ்கைஸ்' என்ற பெயரில் பிரமாண்ட வான்வழி சாகச நிகழ்ச்சி நடைபெற்றது. இதை காண, ஆயிரக்கணக்கான பொதுமக்கள் திரண்டிருந்தனர்.

நிகழ்ச்சியின் ஒரு பகுதியாக, அமெரிக்க கடற்படைக்கு சொந்தமான இரண்டு அதிநவீன போர் விமானங்கள் நடுவானில் மிக நெருக்கமாக பறந்து சாகசத்தில் ஈடுபட்டுக் கொண்டிருந்தன.

அப்போது, எதிர்பாராதவிதமாக இரண்டு விமானங்களும் திடீரென பயங்கரமாக மோதிக்கொண்டு கீழே விழுந்து நொறுங்கின.

விமானங்கள் கீழே விழுவதற்கு சில வினாடிகள் முன், அதில் இருந்த நான்கு விமானிகளும் சமயோஜிதமாக செயல்பட்டு, பாராசூட்டுகள் மூலம் விமானத்தில் இருந்து குதித்து தப்பினர்.