எஸ்தோனிய தலைநகர் தாலினில் ஒன்றாகப் புறப்பட்ட 2 ஹெலிகாப்டர்கள் பின்லாந்தின் யூரா விமான நிலையத்திற்கு அருகில் சென்று கொண்டிருந்த போது மோதி விபத்தில் சிக்கியது. இந்த விபத்தில் சம்பவ இடத்திலேயே 5 பேர் உயிரிழந்தனர்.

ஒரு ஹெலிகாப்டரில் இரண்டு பேரும், மற்றொன்றில் 3 பேரும் இருந்தனர் என போலீசார் தெரிவித்தனர். இந்த விபத்தில் உயிரிழந்தவர்களின் உடலை மீட்ட போலீசார் பிரேத பரிசோதனைக்காக அனுப்பி வைத்தனர்.

இந்த விபத்துக்கான காரணம் குறித்து தேசிய புலனாய்வு பிரிவு அதிகாரிகளுடன் போலீசார் இணைந்து விசாரணை நடத்தி வருகின்றனர்.