ஐரோப்பிய நாடான பிரிட்டனின் ஒரு பகுதியான அயர்லாந்தில், கடந்த சில வாரங்களாக இந்தியர்கள் மீதான இனவெறி தாக்குதல் அதிகரித்துள்ளது. இந்திய வம்சாவளி டாக்சி டிரைவர் ஒருவரும், 6 வயது சிறுமி ஒருவரும் சமீபத்தில் தாக்குதலுக்கு ஆளாகினர்.

நாடு முழுதும் தாக்குதல்கள் அதிகரித்து வருவதை தொடர்ந்து, இந்தியர்கள் விழிப்புடன் இருக்குமாறு அயர்லாந்தில் உள்ள இந்திய துாதரகம் அறிவுறுத்தி உள்ளது.

இந்த சூழலில், இந்திய வம்சாவளியைச் சேர்ந்த குடும்பம் மீது, 8 வயது சிறுவர்கள் இருவர் நேற்று தாக்குதல் நடத்தினர். இது குறித்து, அக்குடும்பத்தைச் சேர்ந்த பெண், டப்ளின் போலீசில் புகார் அளித்துள்ளார்.

டப்ளின் பஸ் நிறுத்தத்தில், தன் மகள்களுடன், 60 வயதுடைய இந்தியர் காத்திருந்தார். அப்போது அங்கு வந்த 8 வயதுடைய இரண்டு சிறுவர்கள், அந்தப் பெண்களின் தந்தையை கேலி, கிண்டல் செய்துள்ளனர்; திடீரென தாக்குதலிலும் ஈடுபட்டனர். இது தொடர்பாக போலீசார் விசாரித்து வருகின்றனர்.