தினமலர்
சினிமா
டிவி
Podcast
iPaper
கோயில்கள்
புத்தகங்கள்
Subscription
திருக்குறள்
கடல் தாமரை
Dinamalar Logo

 

/செய்திகள்/உலகம்/ஈரான் - அமெரிக்கா அமைதி ஒப்பந்தம் சாத்தியமா? போர் நிறுத்தத்தை மீறி மீண்டும் தாக்குதல்கள்!

ஈரான் - அமெரிக்கா அமைதி ஒப்பந்தம் சாத்தியமா? போர் நிறுத்தத்தை மீறி மீண்டும் தாக்குதல்கள்!

ஈரான் - அமெரிக்கா அமைதி ஒப்பந்தம் சாத்தியமா? போர் நிறுத்தத்தை மீறி மீண்டும் தாக்குதல்கள்!


UPDATED : மே 26, 2026 10:20 PM

ADDED : மே 26, 2026 07:24 PM

Follow on GoogleFavourite on Google

UPDATED : மே 26, 2026 10:20 PM ADDED : மே 26, 2026 07:24 PM


Follow on Google
Latest Tamil News
அ நிறம் | அளவு

வாஷிங்டன்: ஈரானில் அமெரிக்கா நடத்திய தற்காப்பு தாக்குதல்கள் மற்றும் லெபனானில் ஹெஸ்பொல்லா அமைப்பிற்கு எதிராக இஸ்ரேலின் தீவிர ராணுவ நடவடிக்கைகள், மேற்காசிய போர் நிறுத்தத்துக்கான அமைதி பேச்சுக்கு தற்போது பெரும் சவல்களாக மாறியுள்ளன.

மேற்காசிய நாடான ஈரான் மீது அமெரிக்கா மற்றும் இஸ்ரேல் இணைந்து கடந்த பிப்., 28ல் துவங்கிய போர், அமைதி ஒப்பந்த பேச்சுக்காக தற்காலிகமாக நிறுத்தப்பட்டுள்ளது. இந்நிலையில், நேற்று முன்தினம் இரவு ஹார்முஸ் ஜலசந்திக்கு அருகே உள்ள தெற்கு ஈரானின் துறைமுக நகரான பந்தர் அப்பாஸ் மற்றும் அதன் சுற்று வட்டார பகுதிகளில் தற்காப்பு தாக்குதல்கள் நடத்தியதாக அமெரிக்கா தெரிவித்துள்ளது. இதை ஈரான் ஊடகங்களும் உறுதி செய்துள்ளன.

இத்தாக்குதல் குறித்து அமெரிக்க ராணுவ அதிகாரிகள் கூறியுள்ளதாவது: உலகளாவிய எண்ணெய் கப்பல்கள் போக்குவரத்து பகுதியான ஹார்முஸ் ஜலசந்தியில், ஈரானின் இஸ்லாமிய புரட்சிகர காவல் படைக்கு சொந்தமான இரண்டு படகுகள் கடற் கண்ணி வெடிகளை வைக்க முயன்றதால், அதை தடுக்கும் நோக்கில் தாக்குதல்கள் நடத்தப்பட்டு, அப்படகுகள் அழிக்கப்பட்டன.

மேலும், தெற்கு ஈரானின் பந்தர் அப்பாஸ் பகுதியில் இருந்த, வானை நோக்கி பாயும் ஏவுகணை தளம், வானில் பறந்து கொண்டிருந்த அமெரிக்க போர் விமானங்களை குறி வைத்தது. இதையடுத்து, விமானங்களை பாதுகாக்கும் நோக்கில் அந்த ஏவுகணை தளத்தின் மீது தாக்குதல் நடத்தி அழிக்கப்பட்டது.

இப்பகுதியில் உள்ள அமெரிக்க படைகளுக்கும், வீரர்களுக்கும் ஈரான் படைகளால் ஏற்படவிருந்த அச்சுறுத்தல்களில் இருந்து பாதுகாக்கவே இந்த தற்காப்பு நடவடிக்கை எடுக்கப்பட்டது. இவ்வாறு அவர்கள் கூறினர்.

இந்நிலையில், ஈரானுக்கு ஆதரவாக செயல்படும் லெபனானில் இருந்து இயங்கும் ஹெஸ்பொல்லா அமைப்பினர் மீது இஸ்ரேல் தாக்குதல் நடத்தியுள்ளது. தற்காலிக போர் நிறுத்தம் இருந்தபோதும், தொடர்ந்து லெபனான் மீது இஸ்ரேல் தாக்குதல் நடத்தி வருகிறது.

இந்த பதற்றமான போர் சூழலுக்கு மத்தியில், மேற்காசிய நாடான கத்தார் தலைநகர் தோஹாவில் நிரந்தர போர் நிறுத்தம் மற்றும் அமைதி ஒப்பந்த நடவடிக்கை குறித்து அமெரிக்கா - ஈரான் இடையே பேச்சு நடந்து வருகிறது. இதில் பங்கேற்க ஈரான் பார்லி., சபாநாயகர் பாகர் காலிபாப், வெளியுறவு அமைச்சர் அப்பாஸ் அராக்சி உள்ளிட்டோர் தோஹா சென்றுள்ளதாக செய்திகள் தெரிவிக்கின்றன.

இப்பேச்சில் கத்தார் மத்தியஸ்தம் செய்து வருவதாக கூறப்படுகிறது. ஈரானின் முக்கிய கோரிக்கைகளில் ஒன்றான, ஈரானின் முடக்கப்பட்டுள்ள வெளிநாட்டு சொத்துக்கள் தொடர்பான பூர்வாங்க உடன்பாட்டை அமெரிக்காவும், ஈரானும் எட்டியுள்ளதாக கூறப்படுகிறது.

அமெரிக்கா ஒழிக; இஸ்ரேல் ஒழிக; கோஷங்கள் தொடர்ந்து ஒலிக்கும்

வளைகுடா நாடுகள் இனி அமெரிக்க ராணுவ தளங்களுக்கு கேடயங்களாக இருக்காது என ஈரான் உச்ச தலைவர் மொஜ்தபா கமேனி எச்சரிக்கை விடுத்துள்ளார். இது குறித்து அவர் நேற்று வெளியிட்டுள்ள அறிக்கையில் கூறப்பட்டுள்ளதாவது: காலத்தின் சக்கரத்தை பின்னோக்கி சுழற்ற முடியாது. இனி இந்த பிராந்தியத்தில் உள்ள நாடுகளும், நிலப்பரப்புகளும் அமெரிக்க ராணுவ தளங்களுக்கான பாதுகாப்பு அரணாக இருக்காது.
மேற்காசிய பிராந்தியத்தில் அமெரிக்கா தன் அச்சுறுத்தல்களையும், ராணுவ தளங்களையும் நிலை நிறுத்த இனி எந்தவொரு பாதுகாப்பான புகலிடமும் இருக்காது. இப்பிராந்தியத்தில் அமெரிக்காவின் பழைய ஆதிக்கம் நாளுக்கு நாள் மங்கி வருகிறது. இஸ்லாமிய உலகத்தின் முழக்கங்களான 'அமெரிக்கா ஒழிக; இஸ்ரேல் ஒழிக' என்ற கோஷங்கள் தொடர்ந்து ஒலித்துக் கொண்டே இருக்கும். இவ்வாறு அதில் கூறப்பட்டுள்ளது.



லெபனான் மீது தாக்குதல்

கிழக்கு லெபனானின் பெக்கா பள்ளத்தாக்கு பகுதியில் உள்ள மஷ்காரா என்ற கிராமத்தை இலக்காகக் கொண்டு இஸ்ரேல் நடத்திய மிக கடுமையான வான்வழி தாக்குதலில் 12 பேர் கொல்லப்பட்டனர். இன்னும் மூன்று நாட்களில் அமெரிக்காவில் இஸ்ரேல் - லெபனான் இடையே நேரடி பேச்சு நடத்த திட்டமிட்டிருந்த வேளையில் இத்தாக்குதல்கள் நடத்தப்பட்டுள்ளன.



இணைய முடக்கம் நீக்கம்

அமெரிக்கா போர் தொடுத்ததைத் தொடர்ந்து, பாதுகாப்பு காரணங்களுக்காக ஈரானில் இணைய சேவைகள் முடக்கப்பட்டன. இதன் காரணமாக உலகளாவிய இணையதளங்களையோ, 'வாட்ஸாப், டெலிகிராம்' உள்ளிட்ட சமூக ஊடகங்களையோ ஈரானிய மக்கள் பயன்படுத்த முடியவில்லை. கடந்த, 87 நாட்களாக நீடித்து வந்த இணையதள முடக்கத்தை நீக்குவதாக, ஈரான் அதிபர் மசூத் பெசெஷ்கியான் அறிவித்தார்.



அமெரிக்க ட்ரோன் சுட்டு அழிப்பு

கத்தாரில் அமைதி பேச்சு தீவிரமாக நடந்து வரும் வேளையில், தங்கள் நாட்டு வான் பரப்புக்குள் அத்துமீறி நுழைந்த அமெரிக்காவின் அதிநவீன எம்.கியூ., 9 ரீப்பர் ட்ரோன் ஒன்றை சுட்டு வீழ்த்தியதாக, ஐ.ஆர்.ஜி.சி., எனும் ஈரானின் இஸ்லாமிய புரட்சிகர காவல் படை நேற்று தெரிவித்தது.



தினமலர் WhatsApp Channel-ல் சேருங்கள்
Latest Tamil news, instantly on WhatsApp
Follow





      Dinamalar
      Follow us