இஸ்ரேல்-ஈரான் இடையே போர் நிறுத்த ஒப்பந்தம் அமலாகி உள்ளது. இது தொடர்பாக, இஸ்ரேல் பிரதமர் பெஞ்சமின் நெதன்யாகு கூறியதாவது: ஈரானிடம் ஒருபோதும் அணு ஆயுதம் இருக்காது. ஈரானின் அணுசக்தி திட்டத்தை இஸ்ரேல் அழித்தது. ஈரானுக்கு எதிரான போரில் அணுசக்தி திட்டம் முடிவிற்கு கொண்டு வரப்பட்டது.

நடான்ஸ் மற்றும் இஸ்பஹானில் உள்ள அணுசக்தி நிலையங்களில் இஸ்ரேல் தாக்குதல் நடத்தியது. ஈரானின் அணுசக்தி திட்டத்தை நாங்கள் முறியடித்துவிட்டோம். ஈரானில் யாராவது அதை மீண்டும் கொண்டு வர முயற்சித்தால், எந்தவொரு முயற்சியையும் முறியடிக்க அதே உறுதியுடன், அதே தீவிரத்துடன் செயல்படுவோம்.

ஈரானின் அணுசக்தி திட்டம் மற்றும் ஏவுகணைகளால் ஏற்படும் அச்சுறுத்தல்கள் முறியடிக்கப்பட்டு உள்ளது. ஆபரேஷன் ரைசிங் லயன் என்று பெயரிடப்பட்ட ஈரான் மீதான இஸ்ரேலின் தாக்குதல், வரலாற்றில் பதிவு செய்யப்படும். உலகம் முழுவதும் உள்ள படைகளால் ஆய்வு செய்யப்படும். இவ்வாறு நெதன்யாகு கூறினார்.