துபாயில் ட்ரோன் தாக்குதல்!

துபாயின் மையப் பகுதியில் மீண்டும், 'ட்ரோன்' எனப்படும் ஆளில்லா சிறிய விமானங்கள் மூலம் தாக்குதல் நடத்தப்பட்டதில், அப்பகுதியே புகை மண்டலமானது. ஈரான் நடத்திய இந்த தாக்குதல்களில், துபாய் க்ரீக் ஹார்பர், பாம் ஜுமெய்ரா, மரீனா பகுதிகளில் தீ விபத்துகளும், சிறு சேதங்களும் ஏற்பட்டன. இந்நிலையில், அல் பதா குடியிருப்பு பகுதியில் சிறிய ட்ரோன் வெடித்து சிதறியதை அதிகாரிகள் உறுதிப் படுத்தியு ள்ளனர். இதனால் யாருக்கும் எந்த காயமோ அல்லது கட்டட சேதமோ ஏற்படவில்லை என்றும் அவர்கள் கூறினர். ஐக்கிய அரபு எமிரேட்ஸ் ராணுவம் தங்கள் ஏவுகணை தற்காப்பு அமைப்புகளை முழு அளவில் செயல்படுத்தி, பெரும்பாலான தாக்குதல்களை தடுத்து வருவதாகவும் துபாய் அதிகாரிகள் குறிப் பிட்டுள்ளனர்.

ஈரான் ஆட்சி கவிழாது: அமெரிக்கா@

@ ஈரானில் ஆட்சி கவிழ்வதற்கு வாய்ப்பு இல்லை என்று அமெரிக்க உளவுத் துறை தெரிவித்து உள்ளது. ஈரான் உச்ச தலைவர் அயதுல்லா அலி கமேனி கொல்லப்பட்ட பின், அவரது மகன் மொஜ்தபா க மேனி புதிய உச்ச தலைவராக நியமிக்கப்பட்டு உ ள்ளார். ஈரானில் 13 நாட்களாக போர் நீடிக்கும் நிலையிலும், ஆட்சி உறுதியாக இருப்பதாகவும், மக்களிடையே பெரிய அளவிலான கிளர்ச்சியோ அல்லது பிரிவினையோ இல்லை என்றும் அமெரிக்க உளவுத் துறை தெரிவித்துள்ளது. கமேனி அரசு, மக்கள் மீது தன் கட்டுப்பாட்டை இன்னும் தக்க வைத்துள்ளது என்றும் அது கூறியுள்ளது.