ஒளி வீசும் நட்சத்திரங்களாக இருப்போம்!

சமூகவலைதளத்தில் கமலா ஹாரிஸ் வெளியிட்டுள்ள பதிவில்,' நீங்கள் என் மீது வைத்த நம்பிக்கை, நாட்டின் மீது காட்டிய நேசம், மன உறுதி ஆகியவற்றுக்கு என் இதயபூர்வமான நன்றியை தெரிவித்துக் கொள்கிறேன். இந்த தேர்தல் முடிவானது, நாம் விரும்பாத ஒன்றாக இருக்கலாம்; நமது போராட்டம் பலனின்றி போயிருக்கலாம். ஆனால் அமெரிக்காவின் நம்பிக்கை ஒளி எப்போதும் பிரகாசமாக இருக்கும் என்று உறுதி கூறுகிறேன்.
இருளாக இருக்கும் போது தான் நட்சத்திரங்களை காண முடியும் என்று கூறுவார்கள். நாம் இப்போது ஒரு இருண்ட காலத்துக்கு செல்கிறோம் என்று பலரும் வருத்தப்படுவதை புரிந்து கொள்ள முடிகிறது. அப்படி நடக்காது என்று நான் நம்புகிறேன். ஒருவேளை அப்படி இருந்தால், பிரகாசமாக ஒளி வீசும் பல்லாயிரம் கோடி நட்சத்திரங்களாக இருந்து வானத்தை ஒளிரச் செய்வோம். தோல்வி அடைந்திருக்கும் இந்த நேரத்தில், உண்மையும் நம்பிக்கையும் நமக்கு வழிகாட்டும் என்று நம்புவோம் என்று குறிப்பிட்டுள்ளார்.