நம் அண்டை நாடான பாகிஸ்தானின் மொத்த உள்நாட்டு உற்பத்தியில் ஜவுளித்துறை, 8.5 சதவீதம் பங்களிக்கிறது. ஜவுளித் துறை என்பது அந்நாட்டின் பொருளாதாரத்தில் மிக முக்கியமானது.

அமெரிக்கா, ஜெர்மனி, ஸ்பெயின் உள்ளிட்ட நாடுகளுக்கு பாகிஸ்தானில் இருந்து அதிகளவு ஜவுளிகள் ஏற்றுமதி செய்யப்படுகின்றன. இந்தநிலையில், கடந்த மூன்று ஆண்டுகளில் இல்லாத அளவுக்கு பாகிஸ்தான் ஜவுளி ஏற்றுமதியில், 14,200 ரூபாயை எட்டி உச்சம் தொட்டுள்ளது.

அதிலும் பின்னலாடை ஏற்றுமதி மட்டும் இதுவரை இல்லாத அளவுக்கு, 4,300 கோடி ரூபாயை எட்டியதாக பாகிஸ்தான் ஸ்டேட் வங்கி தெரிவித்துள்ளது. கடந்த மாதத்தில், நாட்டின் மொத்த பொருட்கள் ஏற்றுமதியில் ஜவுளித் துறை மட்டும் 60 சதவீதத்தைக் கொண்டிருந்ததாகவும் அந்த வங்கி அறிக்கையில் குறிப்பிட்டுள்ளது.

அண்டை நாடுகள் மீதான அமெரிக்காவின் வரிவிதிப்பு எதிரொலி, மதிப்பு கூட்டப்பட்ட வகைகளுக்கான வலுவான தேவை, வலுவான வர்த்தக தொடர்பு போன்ற காரணங்களால் ஏற்றுமதி அதிகரித்துள்ளதாக பாக்., ஸ்டேட் வங்கி தெரிவித்துள்ளது.