அமெரிக்காவின் மேற்கு அலாஸ்காவில் உள்ள ஒரு தொலைதூர ரேடார் தளத்தில், எட்டு பேரை ஏற்றிச் சென்ற வாடகை விமானம் ஒன்று விபத்துக்குள்ளானது. அதில் இருந்த அனைவரும் உயிரிழந்ததாக அமெரிக்க ராணுவம் தெரிவித்துள்ளது. இந்த விபத்து, அலாஸ்காவின் ஆங்கரேஜிலிருந்து 725 கி.மீ மேற்கே அமைந்துள்ள கேப் நியூவென்ஹாம் நீண்ட தூர ரேடார் தள விமான நிலையத்தில் நிகழ்ந்தது.

இந்த விபத்தில் உயிரிழந்த 8 பேரின் குடும்பத்தினருக்கு அமெரிக்க ராணுவம் இரங்கல் தெரிவித்துள்ளது. 'இது நமது ராணுவக் குடும்பத்திற்கும், நாம் சேவை செய்யும் சமூகங்களுக்கும் ஒரு பேரழிவு இழப்பாகும்,' என்று அமெரிக்க விமானப்படை லெப்டினன்ட் ஜெனரல் ராபர்ட் டேவிஸ் கூறினார்.