அதே கூட்டத்தில், இதற்கு பதிலளித்த அமெரிக்க அதிபர் டிரம்ப், 'அமெரிக்காவால் தான் கனடா வாழ்கிறது, எங்களிடமிருந்து பல சலுகைகளை பெறும் அந்நாடு, நன்றியுடன் இல்லை' என விமர்சித்தார். இதற்கு கனடா பிரதமர் மார்க் கார்னி, 'அமெரிக்காவின் தயவால் நாங்கள் வாழவில்லை' என்றார்.

இதனால் அதிருப்தி அடைந்த டிரம்ப், சமூக வலைதளத்தில் வெளியிட்ட பதிவில், 'கனடா பிரதமர் கார்னிக்கு அமைதி வாரியத்தில் இணைய விடுத்த அழைப்பை ரத்து செய்கிறேன். இந்த வாரியம் எப்போதும் இல்லாத அளவுக்கு மதிப்புமிக்க தலைவர்கள் கொண்ட குழுவாக இருக்கும்' என குறிப்பிட்டுள்ளார்.

மேற்காசிய நாடான இஸ்ரேல்- - ஹமாஸ் போரை முடிவுக்கு கொண்டு வர, காசாவுக்கான ஒரு அமைதி வாரியத்தை டிரம்ப் உருவாக்கியுள்ளார். இதில், இதுவரை 30க்கும் மேற்பட்ட நாடுகள் இணைந்துள்ளன.