சோவியத் யூனியன் காலத்தில் பயன்படுத்தப்பட்ட, 'சோவியத் ரூபிள்' என்ற கரன்சி நோட்டுகள் ரஷ்யா உட்பட சில நாடுகளில் தற்போதும் பயன்பாட்டில் உள்ளன.

உக்ரைனும் பயன்படுத்தி வந்தது. கடந்த, 1996ல், 'ஹிரைவ்னியா' என்ற கரன்சிக்கு உக்ரைன் மாறியது. அதே நேரத்தில், கோபெக் என்ற நாணயத்தை மட்டும் உக்ரைன் தொடர்ந்து பயன்படுத்தி வருகிறது.

அதாவது, 100 கோபெக் என்பது ஒரு ஹிரைவ்னியா ஆகும். இந்நிலையில், ரஷ்யாவின் அடையாளங்களை பயன்படுத்துவதை உக்ரைன் தவிர்த்து வரும் நிலையில், கோபெக் என்ற நாணயத்தின் பெயரை, 'ஷா' என்று மாற்ற உக்ரைன் முடிவு செய்துள்ளது. ஷா என்பது, கடந்த 16 மற்றும் 17ம் நுாற்றாண்டுகளில் உக்ரைனின் ஒரு நாணய அலகாக இருந்தது.

ஒரு கோபெக் நாணய மதிப்பே ஒரு ஷா நாணயத்தின் மதிப்பாக இருக்கும் என அந்நாட்டு தேசிய வங்கி தெரிவித்துள்ளது.

விரைவில் இந்த மாற்றம் நடைமுறைக்கு வரஉள்ளது.