sub-imageதினமலர் டிவி
sub-imagePodcast
sub-imageiPaper
sub-imageசினிமா
sub-imageகோயில்கள்
sub-imageபுத்தகங்கள்
sub-imageSubscription
sub-imageதிருக்குறள்
sub-imageகடல் தாமரை
Dinamalar Logo

சனி, அக்டோபர் 04, 2025 ,புரட்டாசி 18, விசுவாவசு வருடம்

டைம்லைன்


தற்போதைய செய்தி


தினமலர் டிவி


ப்ரீமியம்


தமிழகம்


இந்தியா


உலகம்


வர்த்தகம்


விளையாட்டு


கல்விமலர்


டீ கடை பெஞ்ச்


/

செய்திகள்

/

உலகம்

/

41 நாடுகளுக்கு அமெரிக்கா... தடை! : விசா வழங்குவதில் கெடுபிடி

/

41 நாடுகளுக்கு அமெரிக்கா... தடை! : விசா வழங்குவதில் கெடுபிடி

41 நாடுகளுக்கு அமெரிக்கா... தடை! : விசா வழங்குவதில் கெடுபிடி

41 நாடுகளுக்கு அமெரிக்கா... தடை! : விசா வழங்குவதில் கெடுபிடி


ADDED : மார் 16, 2025 12:19 AM

Google News

ADDED : மார் 16, 2025 12:19 AM


Google News
Latest Tamil News
நிறம் மற்றும் எழுத்துரு அளவு மாற்ற

அமெரிக்க அதிபராக இந்தாண்டு ஜனவரி, 20ல் இரண்டாவது முறையாக பதவியேற்றார் டொனால்டு டிரம்ப். அவரது முந்தைய ஆட்சியின் போது, குறிப்பிட்ட ஏழு முஸ்லிம் நாடுகளை சேர்ந்தவர்கள் அமெரிக்கா வருவதற்கு தடை விதிக்கப்பட்டது.

உத்தரவு


இதற்கு பல்வேறு தரப்பினரும் எதிர்ப்பு தெரிவித்தனர். அமெரிக்க நீதிமன்றமோ, அந்த உத்தரவு செல்லும் என, தீர்ப்பு அளித்தது.

டிரம்பிற்குப் பின் அதிபராக பதவியேற்ற ஜோ பைடன், அந்த தடை உத்தரவை ரத்து செய்தார். ஏழு முஸ்லிம் நாடுகளை சேர்ந்தவர்களை, தனிப்பட்ட முறையில் விசாரித்தே விசா வழங்கப்படும் என்றும் கூறினார்.

இந்நிலையில், இரண்டாவது முறையாக, ஜன., 20ல் பதவியேற்ற டொனால்டு டிரம்ப், ஒரு உத்தரவு பிறப்பித்தார். அதாவது, அமெரிக்காவின் பாதுகாப்பு கருதி, வெளிநாடுகளில் இருந்து வருபவர்கள் குறித்து முழுமையாக விசாரிக்க வேண்டும்.

அவ்வாறு வருவோர் குறித்து முறையான ஒத்துழைப்பு அளிக்காத நாடுகள் பட்டியலை தயாரிக்கும்படி, வெளியுறவுத்துறை உட்பட அனைத்து அமைச்சகங்களுக்கும் உத்தரவிட்டார்.

பெரும் தாக்கம்


இதன்படி, 60 நாட்களுக்குள் இதற்கான பட்டியலை தயாரித்து அளிக்கும்படி டிரம்ப் உத்தரவிட்டார். வரும், 21ம் தேதிக்குள் இந்தப் பட்டியலை தயாரிக்கும் பணி தீவிரமாக நடந்து வருகிறது.

இந்நிலையில், அமெரிக்க வெளியுறவுத்துறை, 41 நாடுகளின் பட்டியலை தயாரித்துள்ளது. அது, சிவப்பு, ஆரஞ்ச், மஞ்சள் என மூன்று பிரிவுகளாகப் பிரிக்கப்பட்டுள்ளது. இந்த பட்டியலை, அமெரிக்காவில் இருந்து வெளியாகும், 'நியூயார்க் டைம்ஸ்' பத்திரிகை வெளியிட்டுள்ளது.

இந்த பட்டியலுக்கு வெளியுறவு அமைச்சர் மார்கோ ரூபியோ ஒப்புதல் அளிக்கவில்லை. அதனால், பட்டியலில் மாற்றம் ஏற்படலாம் என்றும், அந்த செய்தியில் கூறப்பட்டுள்ளது.

இந்த, 41 நாடுகள் பட்டியலில் சிவப்பு பிரிவில், ஆப்கானிஸ்தான், பூடான், கியூபா, ஈரான், சிரியா, வட கொரியா, ஏமன் உட்பட, 11 நாடுகள் இடம் பெற்றுள்ளன. இந்த நாடுகளைச் சேர்ந்தவர்களுக்கு விசா வழங்குவது முழுமையாக நிறுத்தப்படும்.

இரண்டாவதாக ஆரஞ்ச் பிரிவில், ரஷ்யா, பாகிஸ்தான், மியான்மர் உட்பட, 10 நாடுகள் இடம் பெற்றுள்ளன.

இந்த நாடுகளுக்கு முழுமையான தடை விதிக்கவில்லை. சில விதிவிலக்குகள் வழங்கப்படும். குறிப்பிட்ட எண்ணிக்கையில், குறுகிய காலத்துக்கான விசா மட்டுமே வழங்கப்படும். இதனால், சுற்றுலா மற்றும் மாணவர் விசாக்களில் பெரும் தாக்கம் இருக்கும் என்று கூறப்படுகிறது.

குறைபாடுகள்


மூன்றாவதாக மஞ்சள் பிரிவில், 20 நாடுகள் இடம் பெற்றுள்ளன. இவர்களில் பெரும்பாலான நாடுகள் கரீபியன் மற்றும் ஆப்ரிக்க நாடுகள். இந்த நாடுகளைச் சேர்ந்தவர்கள் அமெரிக்காவுக்கு வரும் போது, அவர்கள் தொடர்பான தகவல்களை உறுதி செய்வதில் உள்ள குறைபாடுகளை, 60 நாட்களுக்குள் இந்த நாடுகள் தீர்க்க வேண்டும்.

அவ்வாறு செய்யாவிட்டால், முதல் இரண்டு பிரிவுகளுக்கு இந்த நாடுகள் மாற்றப்படும்.

அமெரிக்கா தடை செய்த நாடுகள் பட்டியல்


சிவப்பு1.ஆப்கானிஸ்தான் 2.பூடான் 3.கியூபா 4.ஈரான் 5.லிபியா6.வட கொரியா 7.சோமாலியா 8.சூடான் 9.சிரியா 10.வெனிசுலா 11.ஏமன்
ஆரஞ்ச்
1.பெலாரஸ் 2.எரித்திரியா 3.ஹைட்டி 4.லாவோஸ் 5.மியான்மர் 6.பாகிஸ்தான்7.ரஷ்யா 8.சியரா லியோன் 9.தெற்கு சூடான் 10.துர்க்மெனிஸ்தான்
மஞ்சள்
.அங்கோலா2.ஆன்டிகுவா மற்றும் பார்புடா3.பெனின்4.புர்கினா பாசோ5.கம்போடியா6.கேமரூன்7.கேப் வெர்டே8.சாட்9.காங்கோ குடியரசு10.காங்கோ11.டொமினிகா12.ஈக்குவடோரியல் கினி13.காம்பியா14.லைபீரியா15.மலாவி16.மாலி17.மவுரிட்டானியா18.செயின்ட் லூசியா19.வனுவாட்டு20.ஜிம்பாப்வே








      Dinamalar
      Follow us