இப்போட்டியில், ஆண்கள் ஒற்றையர் பிரிவில் இறுதி போட்டியில் கர்நாடகாவின் சேகர் வீராசாமி, தமிழகத்தின் கார்த்திக் கருணாகரனை 6 - 4; 6 - 3; என்ற செட் கணக்கில் வீழ்த்தினார். பெண்கள் பிரிவில் கர்நாடகாவின் ஷில்பா, கர்நாடக வீராங்கனை பிரதிமா ராவை 6 - 4; 6 - 4 என்ற செட் கணக்கில் வீழ்த்தினார். இதன்மூலம் ஆண்கள் பிரிவில் சேகர் வீராசாமியும், பெண்கள் பிரிவில் ஷில்பாவும் சாம்பியன் பட்டம் வென்றனர்.

ஆண்களுக்கான இரட்டையர் பிரிவில் சேகர் வீராசாமி, தமிழகத்தின் பாலசந்தர் சுப்பிரமணியன் ஜோடி, தமிழகத்தின் மாரியப்பன் துரை, கார்த்திக் கருணாகரனை 6 - 4; 6 - 1; என்ற செட் கணக்கில் வீழ்த்தியது.

பெண்கள் இரட்டையர் பிரிவில் ஷில்பா குட்லப்பா, ஷில்பா புட்டராஜ் ஜோடி, பிரதிமா, முபீனா கோல்கர் ஜோடியை 6 - 3; 6 - 4 என்ற செட் கணக்கில் வீழ்த்தியது. வெற்றி பெற்ற ஜோடிகளுக்கு கோப்பை, பரிசு வழங்கி, கர்நாடக உள்நாட்டு பாதுகாப்பு பிரிவு டி.ஜி.பி., பிரணவ் மொஹந்தி பாராட்டு தெரிவித்தார்.

- நமது நிருபர் -