வெடிப்பு வர காரணங்கள் என்னென்ன?

உடல் வறட்சி:

துணி துவைப்பது, வீட்டைக் கழுவி சுத்தம் செய்வது, தண்ணீர் எடுப்பது போன்ற வேலைகளில் ஈடுபடுவதால் பெண்களின் கால்கள் அதிகளவு ஈரமாக இருக்கும். இதனால் தான் வீடுகளில் ஆண்களை விட பெண்களுக்கு வெடிப்பு அதிகமாக காணப்படுகிறது.

தொற்றும் காரணம்:

சில சமயம் தொற்று காரணமாகவும் பாதங்களில் வலியுடன் கூடிய வெடிப்புகள் இருக்கும். வலியுடன் வெடிப்பு இருந்தால் உடனே கவனிக்க வேண்டும் இல்லையென்றால் இது பரவக்கூடும். அதிலும் குறிப்பாக சர்க்கரை நோயாளிகள் லேசான வெடிப்புகள் ஏற்பட்டாலே, உடனடியாக மருத்துவரிடம் பரிசோதித்து தொற்றுகள் ஏற்படாமல் பார்த்துக்கொள்ள வேண்டும். பாதவெடிப்புகளுக்குச் சிகிச்சை எடுக்காவிடில் அவை கால் முழுவதும் தொற்று பரவுவதற்கு வாய்ப்பளிக்கும். இதனால் தோல் முற்றிலுமாக கெட்டு போகும் வாய்ப்பு உள்ளது.

வெடிப்பில் இருந்து விடுப்பட சில டிப்ஸ்:

• குளிக்கும் போது கண்டிப்பாக சொரசொரப்பான கற்களில் பாதங்களை நன்கு தேய்க்க வேண்டும். இதனால் இறந்த செல்கள் நீங்கும். தோலும் வலிமை பெறும்.

• உடலில் நீர்ச்சத்துக் குறையாமல் பார்த்துக்கொள்ள வேண்டும். தினமும் 8 முதல் 10 டம்ளர் நீர் பருக வேண்டும். வெடிப்பு அதிகம் இருந்தால் கூடுதலாக நீர் அருந்த வேண்டும்.

• உணவில் அதிகமாக நீர்ச்சத்து நிறைந்த காய்கறிகள், பழங்களை சேர்த்துக்கொள்ள வேண்டும்.

• பெட்ரோலியம் ஜெல்லி, தேங்காய் எண்ணெய், ஆலிவ் எண்ணெய் போன்றவற்றை மாய்ஸ்ச்சரைசராகப் பயன்படுத்தினால் நல்ல பலன் கிடைக்கும்.• உடல் பருமனாக இருப்பவர்கள், எடை குறைப்பதற்கான முயற்சிகளை மேற்கொள்ள வேண்டும். அதனால் பாதத்தில் வலி குறையும்.

நம்மை சுமக்கும் பாதத்தை பாதுகாக்க, கொஞ்சம் அக்கறையுடன் செயல்பட்டால் போதும். ஆரம்பத்திலேயே வெடிப்பிலிருந்து விடுபடலாம்.