மற்ற அழகு சாதனங்கள்போல மஸ்காராவிலும் ஏகப்பட்ட வேதிபொருட்கள் அடங்கி உள்ளன. இவை இன்றி மஸ்காரா தயாரிப்பது சாத்தியமன்று. ஆனால், இந்த வேதிப்பொருட்களின் தரம் மிக முக்கியம்.

பெட்ரோலியம் சுத்திகரிப்புப் பொருட்கள், அலுமினியம் பவுடர், பாராபென் உள்ளிட்ட ரசாயனங்கள் மஸ்காராவில் உள்ளன. தொடர்ந்து பல ஆண்டுகள் மஸ்காரா பயன்படுத்தும் பெண்களுக்கு மார்பகப் புற்றுநோய் தாக்க அதிக வாய்ப்புள்ளதாக அமெரிக்க சூழலியல் பாதுகாப்பு அமைப்பு கூறுகிறது.

மஸ்காரா சில மணி நேரம் மட்டுமே கண் இமைகளில் படிந்திருக்க வேண்டும். பல மணிநேரம் இருந்தால் உங்கள் இமைகளில் கெட்ட பாக்டீரியா தொற்று உண்டாக வாய்ப்பு அதிகரிக்கும்.

மஸ்காரா பயன்படுத்துவோருக்கு இமைகளைக் காக்கும் மெல்லிய முடிகள் கொட்ட வாய்ப்பு அதிகம். இதனால் கண்களுக்கு தூசு, வியர்வையிடம் இருந்து பாதுகாப்பு கிடைக்காது.

மஸ்காரா கண்களின் வெள்ளைப் படலத்தில் பட்டால் அது கண் நரம்புகளை பாதிக்கும். எனவே,மிகக் குறைந்த அளவு மஸ்காராவை கண்களில் படாமல் தடவுவது பாதுகாப்பானது.

மஸ்காரா போட்ட சில மணி நேரத்தில் முகத்தை நன்கு கழுவி விடுவது உங்கள் ஆரோக்கியத்தைக் காக்க உதவும்.