ஆனால், பலரும் செய்யும் தவறு, ஆடையின் அதே நிறத்தில் அணிகலன்களைத் தேர்ந்தெடுப்பதுதான். ஆடையும் அணிகலன்களும் கச்சிதமாகப் பொருந்தினால், உங்களை ஒரு 'ஸ்டார்' போல ஜொலிக்க செய்ய முடியும் என்கிறார், அழகுக்கலை நிபுணர் ரம்யா. பொதுவாக ஆடை எந்த நிறத்திலுள்ளதோ, அதே நிறத்தில் கம்மல் அல்லது செயின் அணிந்தால் அது எடுப்பாக தெரியாது.

உதாரணமாக, சிவப்பு நிற ஆடைக்கு சிவப்பிலேயே கம்மல் அணிவதை தவிர்த்து, சிவப்புடன் பச்சை கலந்த அணிகலன்களை அணிந்தால் தோற்றம் அட்டகாசமாக இருக்கும். மென்மையான லெவண்டர் நிற உடைக்கு, மஞ்சள் நிற அணிகலன்கள் ஒரு தனித்துவமான அழகைத் தரும். 'பிளாக் வித் பிளாக்' என்பது எப்போதும் எடுபடாது. கறுப்பு நிற உடைக்கு வெள்ளை நிற அணிகலன்களை தேர்ந்தெடுங்கள்; பார்ட்டிகளில் நீங்கள்தான் 'ஸ்டார்'.

ஒரே நிறத்தில் ஆடை மற்றும் அணிகலன்களை அணிவதை விட, ஒன்றுக்கொன்று மாறுபட்ட நிறங்களைப் பயன்படுத்தும் போதுதான் உங்கள் அடையாளம் பளிச்சென்று தெரியும்.அடுத்த முறை பார்ட்டி, திருமணம் போன்ற விசேஷங்களுக்கு தயாராகும் போது, இந்த நிறக் கலவைகளை முயற்சி செய்து பாருங்கள்.