கால்கள் நீளமாகும் ஆடை அணியும்போது, நம் உடலை சரியான விகிதத்தில் பிரித்துக்காட்டுவது அவசியம். இதற்கு '1:2 ரூல்ஸ்'-ஐ பின்பற்ற வேண்டும். அதாவது, உங்கள் உடலின் மேல் பகுதியை 1/3 பங்காகவும், கீழ் பகுதியை 2/3 பங்காகவும் இருக்கும்படி, ஆடைகளை தேர்வு செய்ய வேண்டும். இது, கால்கள் நீளமாக இருப்பது போன்ற தோற்றத்தை தரும்.

ஒரே நிறத்தின் ஜாலம்

உயரமாக தெரிய விரும்புபவர்களுக்கு, சிறந்த தேர்வு 'மோனோக்ரோம்' எனப்படும் ஒரே நிற ஆடை அணிவதுதான். மேலாடை மற்றும் கீழாடை (டாப் டூ பாட்டம்) ஒரே நிறத்தில் அணியும்போது, அது பார்ப்பவர்களுக்கு, ஒரு 'மேஜிக்' தோற்றத்தை உருவாக்கும். நிறங்களில் மாற்றம் இல்லாமல் ஒரே நேர்கோட்டில் பார்வை செல்வதால், நீங்கள் இயல்பாக இருப்பதை விட, உயரமாக தெரிவீர்கள்.

பெல்ட் வேண்டாமே

சட்டை அல்லது டாப்ஸை 'டக்-இன்' (Tuck-in) செய்யும்போது பெல்ட் அணிவதை தவிர்ப்பது நல்லது. பெல்ட் அணியும்போது அது உங்கள் உடலை இரண்டாக பிரித்து காட்டும். அதற்கு பதிலாக, பெல்ட் அணியாமல் 'டக்- இன்' செய்யும்போது, இடையில் தடையற்ற ஒரு தோற்றம் (Seamless look) உருவாகி, உயரமான பாவனையை ஏற்படுத்தும். ஆடை மட்டுமல்லாது, தலைமுடியும் உயரத்தை கூட்டித் தரும். தலைமுடியை அடர்த்தியாக (Voluminous) வைத்துக்கொள்வது உங்களை உயரமாக காட்ட உதவும்.